It(em) katlijne thijs weduwe gielijs wilen vand(en) kerchove die/ alsoe zij seecht tege(n) lauwer(eyse) wilen van wynghe noch/ huere heeft aen thuys desselfs lauwer(eyse) gelege(n) opden hoec/ vand(en) croeghe aen de groote merct dueren(de) van s(in)[t] jansmisse/ naestcomen(de) over acht jaer elcx jaers om derthien cron(en) te/ xxiiii stuv(er)s tstuc heeft gelooft jacoppe vand(er) eyken jaerlijcx/ de selve huere te betalen s(in)[t] jansmisse soe wel van s(in)[t] jans(mis)s[e]
//
naestcomen(de) alse vand(en) ande(re)n acht naevolgen(de) jae(re)n Ende/ dese hueringe en(de) gelofte heeft de selve jacop ald(air) belieft en(de)/ geaccepteert op alsoe nochtan datmen niet en bevint e(n)nige/ ande(re) p(er)sone(n) beter recht van hueringe(n) tege(n) den selve(n) lauwer(eyse)/ d(air) af geschiet te hebben en(de) oic dat zij hue(r) dair alsoe drage/ dat de hee(re) en(de) de stad bij gecroene vand(en) gebue(re)n hue(r) dair uut/ niet en daden vertrecken cor(am) tybe willem(air) dec(embris) xi