Cont zij allen lieden dat lodewijc strote in p sone wilen/[vacat] woenen(de) te cortbeke over loe in p(rese)ntia heeft genome(n)/ ende bekint dat hij genome(n) heeft tegen willem(me) maes geheete(n)/ van wijtvliet thoff desselfs willems metten huysen hoven/ wynnen(de) landen beemden eeusselen en(de) allen zijne(n) toebehoirte(n)/ gelijc dat belegen is te cortbeke over loe uutgenomen/ den berch metter woeni(n)gen en(de) metter porten mette(n) p(er)tstalle/ voe(r) zijn pert en(de) den waermhoeshof achter dbachuys metten/ boome(n) ende beyde den wate(re)n soet daer steet dwelc willem te/ zijne(n) wille behult Te houden te hebben te wy(n)nen va(n) halfm(er)te/ lestleden eene(n) termijn va(n) neghen jae(re)n lang due(re)nde Elcx jairs/ dae(re)nbynnen om en(de) voe(r) de voirs(creven) wynnen(de) lande om en(de) [voir] sessentwintich/ mudden rogs der maten va(n) loeven(e) cu(m) va(n)no alle jae(re) sint/ andriesmisse te betalen en(de) te loeven(e) te leve(re)n den selve(n) willem(me) q(uo)l(ibet)/ ass(ecutu)[m] Ende de voirs(creven) beemde om en(de) voe(r) neghenthien rinssche/ guld(en) te twintich stuv(er)s tstuc drie pl(a)c(ken) voir den stuv(er) alle jae(re)/ sinte m(er)tensmisse en(de) te betalen(e) en(de) onbegrepen by(n)nen meys/ vol betaelt te zijne quol(ibet) ass(ecutu)[m] Item is vorweerde dat de voirs(creven)/ wy(n)ne de voirs(creven) wynnen(de) lande wy(n)nen werven en(de) mesten sal/ wel en(de) loflijc en(de) geven zijne getidege voren gelijc ree(n)genoten/ boven en(de) beneden Ende die laten tsijne(n) afsceyden gelijc hij/ die vant te sijne(n) aencomen(e) behalven dat de voirs(creven) wy(n)ne/ dierste jaer sal mergelen twee boender lants en(de) dair nae/ alle jae(re) een boender gedragen(de) den voirs(creven) t(er)mijn va(n) neghen jae(re)n/ thien boende(r) dies moet willem voirs(creven) den m(er)gel coopen en(de)/ uute(n) putte leve(re)n en(de) de wy(n)ne moete(n) opden putte halen en(de)/ vue(re)n op de voirs(creven) lande slants meesten proffijte It(em) is vorweerde/ dat de voirs(creven) wy(n)nen de voirs(creven) huysen houden sal wel en(de) loflijc/ vander underster rijckelen nederwert En(de) alsmen dair plect/ metst oft dect va(n) ouden wercke soe moet de voirs(creven) wy(n)ne doen/ tghene dat dair toe behoirt gelijc ande(r) wy(n)nen als van leem/ te halen(e) i En(de) dies moet de voirs(creven) wy(n)nen leve(re)n x busselen walms/ den voirs(creven) [willem(me)] En(de) oft de voirs(creven) willem meer walms behoifde en(de)/ hij dien coopen mochte moeste dien walm soude de wy(n)ne
//
moeten halen dair willem den walm cochte tot swy(n)ne(n) laste/ Item es vorweerde dat de voirs(creven) wy(n)ne de beken waterlopen en(de)/ ryolen houden sal als dat behoirt te sijne(n) laste Item is noch/ vorweerde dat de voirs(creven) wy(n)ne de voirs(creven) lande niet en sal/ moegen hoervruchten uutgenomen een half boender dairt den/ wy(n)ne best gelieve(n) sal Ende eest dat hij dair raepsaet op/ sayt soe salt willem half hebben Ende eest dat hij dair erten/ op sedt soe sal willem ii halster [d(air)af] hebben Item alle [doofst] opde voirs(creven)/ goede wassen(de) selen willem en(de) de wy(n)ne te gelike deylen/ uutgenome(n) dat de wy(n)ne gheen sacht hebben en sal inden cleyne(n)/ boegart en(de) oic sal willem voirt uut hebben vier boome staen(de)/ inden mesthof inden warmoeshof en(de) opden cleyne(n) berch Dies/ sal willem den wy(n)ne bewijsen vier ande(re) boome inden grooten/ boegart die de wy(n)ne dair segen? [oic] alleene hebben sal En(de)/ de w(yn)ne sal willems ooft te loeven(e) moete(n) leve(re)n tsijne(n) huys/ Item is noch vorweerde dat de voirs(creven) wy(n)ne inden wijntijt/ willems wijn halen sal opden wij(n)gart met sijne(n) wagen(e) en(de)/ peerden en(de) dien thuys leve(re)n En(de) desgelijcx moet de wy(n)ne oic/ halen twijngarthout reven staken en(de) wijngart op corteli(n)gen/ op des voirs(creven) willems wij(n)gart en(de) dat oic willem(me) thuys leve(re)n/ En(de) alle dese vorweerden (et)c(etera) cor(am) tybe willem(air) ja(nua)[rii] xii