SAL7372, Act: R°280.3-V°280.1 (596 of 844)
Search Act
previous | next
Act R°280.3-V°280.1  
Act
Date: 1479-03-13

Transcription

2020-02-11 by xavier delacourt
Dair jan van ost als procur(eur) symoens van wesembeke/
heeft willen scutten dat jan van leeuwe niet salve(re)n/
en soude sijne(n) thoen geleyt tege(n) den voirs(creven) symoen(e) van/
wesembeke noch reprocheren opden thoen desselfs symoens/
en(de) voirts tsluyte(n) inder saken tusschen den selve(n) p(ar)tien/
in rechte inde banc voir meye(r) ende scepen(en) van loeven(e)/
hangen(de) ende opgedaen dat symoen noch getuyge(n) hadde/
te leyde(n) ende dat tgetuygenisse gepubliceert soude worden/
en(de) elc d(air)op sijn battacie(n) soude moege(n) doen Ende want/
dese saken voir s(in)[t] jansmisse varen verhandelt soe co(n)cludeerde/
hij dat soe hij tande(re)n tiden hadde gedaen totter a(n)nichilacie(n)/
vand(en) p(ro)cesse oft ten minsten dat hij zijn getuyge(n) noch niet/
geleyt voirt leyden soude moege(n) ende dat de publicacie/
vand(er) deposicie(n) ende battacie d(air)nae bij he(n) soude moegen/
geschien soe zijne(n) raet soude gedragen Dair teghen/
jan van leeuwe sustine(re)nde de contrarie dede segge(n) dat/
he(m) verwonderde van dien ongewarigen voirtstelle ende/
opdoene want men merckelijc soude bevi(n)den op de/
int(er)rogator(ien) hoe die gepubliceert hadden geweest en(de) dat/
seke(re) van sijne(n) getuygen inder saken geleyt en(de) hue(r)/
deposicie(n) bijden voirs(creven) symoen(e) wederleecht wae(re)n en(de) de/
reden(en) vand(en) selve(n) wederlegg(en) oic en wa(r)e niet sculdich
//
die sake te versmelte(n) mits den vo(n)niss(en) dair inne ter/
contrarie(n) gegeve(n) febr(uarii) xiii lestlede(n) Dair gewijst/
wert p(ar)tie(n) hue(r) sake te ververssche(n) ende dat hue(r)/
deposicie(n) dair inne geleyt soude(n) dienen en(de) ald(air) co(n)clude(re)nde/
dat hij mette(n) sluyte(n) vand(er) sake(n) soude moege(n) p(ro)cede(re)n soe/
hij begonne(n) hadde Es gewijst ter manissen smeyers/
dat jan van leeuwe voirt sal moege(n) conclude(re)n inder/
saken niet tegenstaen(de) der calaengie(n) van zijnd(er) wed(er)p(ar)tie(n)/
cor(am) roelants langrode tybe willem(air) m(ar)cii xiii
ContributorsGreet Stevens
Moderated byGreet Stevens
Last update: 2016-09-20 by Xavier Delacourt