SAL7372, Act: R°291.2 (630 of 844)
Search Act
previous | next
Act R°291.2  
Act
Date: 1479-03-23

Transcription

2019-11-04 by xavier delacourt
Want beatrijs vande(n) steenwijnckele wed(uwe) cornelijs wile(n) vande(n)/
bruele als geleyt nae des(er) stat recht tot alle(n) den goede(n) have en(de)/
erve yden van amelgon wed(uwe) jans wile(n) ca(m)mart en(de) jans ca(m)mart/
huers soens wair die geleg(en) zij(n) huer oft tybaute stee(n)wegs/
d(er) stat bode in hue(re)n name heeft doe(n) leve(re)n mett(er) stat br(ieve) gescr(even)/
aende(n) meye(r) va(n) s(in)te g(er)truyden mechle(n) oft zijne(n) stedehoud(er) alle/
der selver p(er)sone(n) goede ald(air) gelege(n) Ende dach va(n) rechte doen/
beteyken(en) giel(ijs) ca(m)mart geh(eeten) va(n) amelgon hande d(air)aen slaen(de) oft/
hij hem d(air)tegen woude oppone(re)n welken dach op heden alse/
ten v(er)streken(en) dage van rechte diende d(air) de voirs(creven) giel(ijs) noch/
ande(re) van zijne(n) wege(n) come(n) en is pete(re)n vande(n) bruele als p(ro)cur(eur)/
der voirs(creven) beat(ri)cen zijnder moeder trecht ernstelijck v(er)suekende/
Soe hebbe(n) de scep(enen) van loven(e) t(er) manissen g smeyers gewijst voir/
een vo(n)nisse nae dat hen behoirlijck heeft gebleken bij clernisse(n)/
des voirs(creven) tybouts de voirs(creven) leveri(n)ge execucie en(de) dach bescheydi(n)ge/
geschiet te zijne (et)c(etera) datme(n) de(n) voirs(creven) procur(eur) inden name d(er) voirs(creven)/
geleydder vand(en) voirs(creven) goede(n) houd(en) soude inde macht vand(en) voirscr(even)/
beleyde zoe v(er)re dat noch voir scep(enen) come(n) was In sca(m)p(n)[o] m(ar)cii xxiii
ContributorsGreet Stevens
Moderated byGreet Stevens
Last update: 2016-09-20 by Xavier Delacourt