SAL7372, Act: R°295.1 (635 of 843)
Search Act
previous | next
Act R°295.1  
Act
Date: 1479-03-18

Transcription

2019-09-23 by xavier delacourt
It(em) pet(er) vand(en) poele die opte(n) xii[te(n)] dach van oechst int jaer/
xiiii[c] lxxvi voir scepen(en) van loeven(en) ov(er)genome(n) heeft van/
augustijne ympens alsulcke(n) thiende geheete(n) de cleynthiende/
van corbeke overloe alse de selve augustijn houden(de) is was/
vand(en) nyeuwe(n) cano(n)nicke(n) d(er) cap(it)len van s(in)[te] pet(er)s te loeven(en)/
behalve(n) de tweedeele vand(en) beesten thiende(n) die aug(ustijn) sonder/
yet d(air) af te geve(n) te hemweert behielt gelijc de scep(enen) br(ieve) va(n) loeven(en)/
vand(er) daet voirs(creven) inhoude(n) ende begripe(n) In p(rese)ncia heeft den/
voirs(creven) aug(ustijn) wed(er)o(m)me overgegeve(n) en(de) getransporteert de voirs(creven)/
thiende en(de) allet recht dat hij d(air)aen heeft den voirscr(even)/
aug(ustijne) te houde(n) te hebbe(n) ende te gebruyken van s(in)[t] jansdage/
baptiste(n) naestcomen(de) den t(er)mijn uut soe hij die vand(en)/
voirs(creven) hee(re)n ov(er)genome(n) heeft in sulcker maten oft de voirs(creven)/
peter die voirtijts niet en hadde gehadt vand(en) voirs(creven) aug(ustijne) ov(er)genome(n)/
It(em) is vorweerde dat de voirs(creven) peter tot s(in)[t] jansdage bap(tis)[te(n)] voirs(creven)/
incluys hebbe(n) sal tot zijne(n) proffijte allet gene dat binne(n)/
den selve(n) tide uut sake der voirs(creven) thiende(n) valle(n) sal en(de)/
he(m) uut sake(n) d(er) voirs(creven) br(ieve) sculd(ich) is te volge(n) des sal de/
selve pet(er) moete(n) drage(n) en(de) betale(n) alle alsulcke(n) pachte(n)/
alsme(n) den voirs(creven) he(re)n nuwe(n) cano(n)nicke(n) en(de) ande(re)n uut sake(n)/
vand(er) nemi(n)gen d(er) voirs(creven) thiende(n) tot die(n) dage toe incluys/
sculd(ich) sal zijn en(de) dat op dien dach vallen sal en(de)/
d(air)af den voirs(creven) aug(ustijne) die ov(er)mits den ande(re)n brieve(n) sijn/
borge is scadeloes houde(n) en(de) ontheffe(n) En(de) alle dese/
vorweerde(n) (et)c(etera) cor(am) tybe willem(air) m(ar)cii xviii
ContributorsGreet Stevens
Moderated byGreet Stevens
Last update: 2016-09-20 by Xavier Delacourt