Want henrick van bierbeke als geleyt nae des(er) stad recht/ voir zijn wettich gebreck tot allen den goeden beyde have/ en(de) erve henr(icx) wilen vand(en) velde soe wair die gelege(n) zijn/ met des(er) stad brieve(n) gescreve(n) aen den meye(r) van werchte(r)/ he(m) oft den bring(er) ons(er) br(ieve) in zijne(n) name heeft doen leve(re)n/ En(de) dach van rechte doen bescheyden den erfgenamen/ desselfs wile(n) henricx hee(re)n ja(n)ne scelkens prieste(r) ja(n)ne/ zomer willem(me) raeps ja(n)ne woutiers ja(n)ne van boesschot ja(n)ne/ wouters ja(n)ne vand(en) hove en(de) mathijse vand(en) ynde en(de) alle/ ande(re) hande aen de voirs(creven) goede hebben(de) oft zij hen tege(n) de voirs(creven)/ execucie hadden willen oppone(re)n tot eene(n) seke(re)n dage inde(n) selven/ ons(en) br(ieve) genoemt Tot welcken dage noch oic op hede(n) als/ ten vervolgen(den)? dage van rechte de voirs(creven) p(er)sone(n) noch niemant/ van hue(re)n wege(n) comen en zijn den voirs(creven) henricke van bierbeke/ trecht voirt versueken(de) Soe hebben de hee(re)n scepen(en) van loeven(en) / ter manissen smeyers gewesen voir een vo(n)nisse nae dat hen/ behoirlijc gebleken heeft bij rapporte jans vlas der stad bode/ de voirs(creven) execucie en(de) dachbescheydinge geschiet te zijne/ aen alle de voirs(creven) p(er)sone(n) uutgenomen den erfgename(n) des voirs(creven)/ wile(n) henr(icx) vand(en) velde die bute(n) lants woonen dat men den/ voirs(creven) geleydden houden sal inde possessie der voirs(creven) goeden/ en(de) inde macht van zijne(n) scepen(en) br(ieve) leveringe(n) en(de) gewijsde(n)/ vo(n)nissen zoe verre het noch voir scepen(en) come(n) is Act(um)/ in sca(m)p(n)[o] octobr(is) xxii