Vanden gedinghe dat geweest heeft inde banck voir meye(r)/ ende scepen(en) van loven(e) tusschen toussaine spourron inden/ name van hem selve(n) en(de) oick als procur(ator) reynchons en(de)/ mathijs spourron zijnder bruede(re)n ka(teli)[ne(n)] spourron zijnder sust(er)/ weduwe ja(m)marts wilen sone he(n)nequin wile(n) visenaze en(de)/ m(ar)griete(n) spourron weduwe henr(ix) wile(n) de lathoude(re) oick/ zijnder suster alle wettige kinde(re) symoe(n)s wile(n) spourron t(er)/ eender zijden en(de) mych(iele) del rollee t(er) ande(re) Aldair de voirscr(even)/ toussain inden name va(n) he(m) en(de) den ande(re)n voirscr(even) d(air)af/ hij procur(ator) was dede lesen een zee(r) oudt beleyt van loven(e)
//
d(air)mede tande(re)n tijden de voirscr(even) wile(n) symon spourron/ der voirs(creven) kinde(re)n vader geleyt was totte(n) goede(n)/ reyners wile(n) de liz zijns zweers ende dat gelesen/ zijnde sprack hij ane zeke(re) goede die de voirs(creven) mych(iel)/ del rollee als mo(m)boir zijns wijfs die docht(er) was va(n)/ marien wijlen de liz docht(er) des voirscr(even) wile(n) reyners/ houden(de) was seggen(de) dat hem inden name soe hij/ ageerde en(de) zijns voirs(creven) vaders beleyde de selve goede/ die toe te behoire(n) plage(n) reyne(re)n wile(n) de liz namelijck/ seve(n) dach(mael) lants gelege(n) panarde w(eer)t inde p(ro)chie/ va(n) grave(n) neve(n) de lande vander motte(n) It(em) (½) boender/ lants opde selve lande neve(n) de(n) wech gaende tarkenen/ weert It(em) noch vijf dach(mael) lants gelege(n) neve(n) de lande/ van pey en(de) gosseaul jonneveal It(em) een dach(mael) lants/ gelege(n) aen dbosch vanden leene en(de) aende scaveen It(em)/ en(de) noch ond(er)half dach(mael) lants liggen(de) aende bossche(n) aux/ estlongue sculdich ware(n) te volge(n) voir zeke(re) wettige/ sculden die d(air)aen hue(re)n vader ware(n) bleve(n) uuytstaende/ ombetaelt zoe hij die p(rese)nteerde te ve(r)ifice(re)n en(de) doen/ ve(r)ifice(re)n bij eede ofts noot wa(r)e Dair tege(n) de voirs(creven)/ mych(iel) hem inden name en(de) als mo(m)boir zijnd(er) weerdi(n)nen/ v(er)antweerden(de) dede lesen eene(n) scepen(en) br(ieve) va(n) grave(n)/ van zeke(re)n submissien en(de) uuytspraken die tande(re)n/ tijde(n) a(nn)[o] lxiii in sinte bartelmeeus dage was gepass(eer)t/ tussche(n) der voirs(creven) wile(n) maroyen de liz moeder va(n) mych(iele)/ wive mette(n) selve(n) mych(iele) hue(re)n mo(m)boir d(air)toe genomen/ ter eender zijden en(de) beatricen de liz weduwe des voirs(creven)/ wile(n) symoens spourron suster der voirs(creven) maroyen ende/ moeder vand(en) voirs(creven) ae(n)legge(re)n oick met eene(n) mo(m)boir ter/ ande(r) zijden Dair inne de voirs(creven) goede d(er) questie af es/ en(de) d(air)op de voirs(creven) toussain inden name als vo(r)e mette(n)/ beleyde nu age(re)n woude d(er) voirs(creven) maroyen metter
//
selver uuytspraken toegevuecht en(de) aengeseecht w(er)den/ Ende dien gelesen zijnde dede hij seggen dat dat/ ware(n) scepen(en) br(ieve) vand(en) banck van grave(n) in behoirlijcke(n)/ forme(n) nader selver banck recht gepasseert en(de) dat die/ brieve submissie en(de) uuytsp(ra)ke ware(n) geschiet om zekere/ erfgoede die de voirscr(even) beatrijs gehoude(n) hadde met/ scepen(en) br(ieve) van loven(e) die voirmaels d(er) voirs(creven) maroye(n)/ hue(re)r suster geg(even) hadde geweest voir huer deel in hijlike(n)/ vorweerde(n) en(de) d(air)af p(ar)tien tande(re)n tijde(n) hadde(n) geweest in/ questie(n) tege(n) malcande(re)n voe(r) den brabantsche(n) rade dair/ die sake uuytgenome(n) was en(de) inder voirs(creven) submissien/ gestelt die tott(er) uuytspraken was come(n) gelijck vo(r)e en(de)/ dat tversta(n)t vand(en) voirs(creven) clausele(n) vand(en) scepen(en) br(ieve) va(n)/ loven(e) was soe wel van beleytbr(ieve) die symon wilen/ spourron d(er) voirs(creven) ae(n)legg(er)s vader hadde opde goede reyners/ wile(n) de liz als van alle(n) ande(re)n brieve(n) en(de) dat de gesuste(re)n va(n)/ liz navolgende de(n) v(er)bonde(n) en(de) uuytsprake(n) aenveert hadden/ elck hue(re)r haer paert en(de) porcie die huer mett(er) voirs(creven) uutsp(ra)ke/ aengeseecht was en(de) alsoe de selve yeseder gebruyct en(de) besete(n)/ nader voirs(creven) uuytsp(ra)ken en(de) dat beatrijs d(er) ae(n)legg(er)s moeder/ e(n)nige d(er) selver aen m(ijn) vrouwe(n) va(n) oudreghem v(er)oblig(eer)t hadde/ voir rinte die zij d(er) selver sculdich was en(de) alsoe duytsp(ra)ke/ gelaudeert en(de) dat de voirscr(even) kinde(re) nae beatrice(n) hue(re)r moeder/ doot die oick ae(n)veert hadden eene(n) zeke(re)n tijt besete(n) ende/ oick alsoe duytsprake in dien gelaudeert en(de) dat jan da(m)mode/ op thuys en(de) hof hue(re)r moeder mett(er) uuytsp(ra)ken onder d(en) ande(re)n/ aengeseecht gedaecht hadde va(n) eene(n) mudde core(n)s dat hij d(air)op/ hadde ende dat de voirscr(even) rintmeest(er) va(n) oudreghem dat/ als jonge(re)n chijs d(aer)op hebben(de) hadde geschiet en(de) dat een/ vande(n) kinde(re)n spourron te wete(n) de voirs(creven) reynchon spourron/ toussains brueder zijn hande d(air)aen wed(er) hadde geslagen dese/ en(de) meer ande(re) pointen p(rese)nteerde hij te bewijsen hopen(de) wair
//
hij dat ghethoene(n) conste ende bezundert dat de voirs(creven)/ goede verstorve(n) ware(n) op zijn wijf nader voirs(creven) maroyen/ hue(re)r moeder doot als e(n)nich hoir en(de) erfg(enaem) d(er) selvers/ dat de voirscr(even) toussain voir hem en(de) d(air) hij voir ageerde/ verdoelt soude werden gewijst met hue(re)n beleyde aende/ voirs(creven) goede Dair teghen de wed(er)p(ar)tie dede segge(n) al/ mocht de voirscr(even) wilen beatrijs spourron hue(r) in e(n)nige/ submissie hebbe(n) gesteken d(air) uuytsprake(n) nae ware(n) gevolcht/ soe en const dat gheen langher stat gegripe(n) bezundert/ van erflijcke(n) sake(n) alsoe dit es dan d(er) selver moeder lefdage/ lanck te voirde(re) want zij die submissie weduwe zijnde/ en(de) tocht(er)sse was aengegaen d(air) hue(r) kinde(re) als erfliede gheen/ consent inne en hadden gedrage(n) en(de) dwelck tot hue(re)n acht(er)deele/ die gherecht hoir en(de) erfgename(n) ware(n) niet en conste/ gecome(n) he(n) des gedragen(de) totte(n) rechte Wair op de voirs(creven)/ mych(iel) replice(re)nde en(de) dede segge(n) dat alle br(ieve) va(n) beleyde/ in hen selve(n) haeflijke zijn en(de) behoire(n) te volge(n) en(de) ter/ execucie(n) gestelt te worden bijden naeste(n) vand(en) have(n) va(n)/ e(n)nigen dooden Ende wa(n)t dan der kinde(re)n moeder d(air)af/ de naeste was geweest en(de) nyema(n)t die in hue(re)n leven(e)/ ter execucie(n) en hadde moege(n) stellen dan zij oft procur(ator) va(n)/ hue(r) d(air)om hoirde huer trecht van dien toe en(de) zij mocht/ huer d(air)af alsoe verbinden dat die in al oft in deele/ mochte(n) ghea(n)nicheleert worden Met meer woirde(n) d(air)toe/ bij hem in alle(n) zijden geallig(eer)t zoe v(er)re dat de voirs(creven)/ mych(iel) va(n) zijne(n) vermete op zijne(n) thoen gewijst zijnde/ es dies geheelijck en(de) al zoe mette(n) voirs(creven) br(ieve) van grave(n)/ vand(en) submissien en(de) uuytspraken soe met scepen(en) van/ grave(n) en(de) ande(re) waerh(eden) volcome(n) Ende [als] de wed(er)p(ar)tie/ op zijne(n) thoen geallig(eer)t en(de) die(n) debatteert hadde beg(er)de/ de selve wed(er)p(ar)tie gelesen te hebben div(er)se vo(n)nissen deen/ vander daet a(nn)[o] xxxiiii d(air)mede den voirs(creven) wile(n) symone
//
spourron als geleyt tot des voirs(creven) reyners de liz goede/ de selve goede mits (con)tu(m)acien va(n) e(n)nige(n) ald(air) begrepen/ aengewijst werden soe v(er)re alst noch voir scepen(en) come(n)/ was en(de) noch een vander daet sept(embris) s(e)c(un)da a(n)no lv tussche(n)/ der voirs(creven) beatrice(n) weduwe des voirs(creven) symoens als geleyt/ gelijck vo(r)e tege(n) m(ar)griete(n) sbos weduwe henr(ix) wile(n) va(n) loon/ welke henr(ic) geleyt was totte(n) goeden have en(de) erve baud(ewijns)/ de moncheal getrouwet hebben(de) d(er) voirscr(even) marien de liz/ dair gewijst wart Want m(ar)grieten beleyt opdie goede/ niet geslaen en conste dat d(air)om de voirscr(even) beatrijs der/ aenspraken ongehouden zijn soude en(de) d(air)entenden hoopte/ de selve want dese goede symone spourron vo(r)e met/ vo(n)nisse van contu(m)acien en(de) beatricen zijne(n) wive nae gelijck/ vo(r)e aengewijst ware(n) dat d(air)om de moeder gheen macht en/ hadde gehadt d(air)op e(n)nighe submissien te(n) acht(er)deele va(n) hue(re)n/ kinde(re)n te passe(re)n Op dwelck de wed(er)p(ar)tie caleng(eer)de al/ tghene des dair toe nu nae den thoen innebracht was en(de)/ hoepte datme(n) d(air)op niet sculdich en wa(r)e te lette(n) met meer/ woirden in alle(n) zijden int langhe opgedae(n) Es gewijst met/ vo(n)nisse van scepen(en) ter manissen smeyers nae ae(n)sp(ra)ke v(er)antw(er)d(en)/ thonisse allegacie(n) en(de) al des gelijck vo(r)e t(er) eend(er) en(de) ter/ ande(r) zijden innebracht wert Dat toussain spourron voir/ hem en(de) sijn medep(ar)tie d(air) hij voir ageerde mette(n) beleyde/ verdoelt es opde goede d(air) questie af es In scampno cor(am)/ roelants roelofs berghen tybe willemair no(vem)[br(is)] x