It(em) es de voirscr(even) submissie geschiet met sulken condicien/ vorweerden en(de) excepcien h(ier)inne volcomelijck ondersproke(n)/ ende claerlijck bevorwert en(de) gheexcipieert eve(n)verre die/ submissie zonder uuytsprake uuytsplete het wa(r)e bij/ gebreke van dat de voirs(creven) va(n) wittham dinhout vander/ submissien niet en acht(er)volchde oft d(air)af gelijck vo(r)e gheen/ uuytsprake en gesciedde oft oick and(er)ssins bij gebreke/ svoirs(creven) van wittham dat dan in dien gevalle de voirs(creven)/ va(n) ghisen blijft op zijn beloep va(n) rechte vander clachten/ van hond(er)t nobele en(de) hachte(n) die hij opden voirs(creven) va(n) wittham/ heeft gedaen en(de) oick vander borchtocht d(air)mede hij hem/ uuyter selver hachte(n) heeft v(er)borcht Ende oick dat in dien/ gevallen de voirscr(even) submissie zij en(de) blive zonder p(re)judijs van/ zijne(n) rechte gelijck oft die niet en wa(r)e geschiet om dan/ voirt inder materien met rechte te procede(re)n dair die gelate(n)/ es en(de) dair en(de) alsoe dat sal behoire(n) Ende te dier meyni(n)g(en)/ hebbe(n) beyde p(ar)tien de sake die tussche(n) hen in rechte gestae(n)/ heeft uuytgestelt tot des ii[te] dijssendaichs nae liechtmesse/ naestcomende om alsdan te diene(n) oft d(air)af bij dese(n) gheen/ beslicht en geschiedde gelijck dien alsnu van ghenechtdage/ te ghenechtdage dienen soude cor(am) eisdem