It(em) henric moleman ter eend(er) en(de) willem van beringe(n) inden/ cardinael beyde brieders ter ande(re) hebben gekint dat zij/ met malcande(re)n bij middele van gheerde gherijs janne van/ hoelair anth(onijse) van beke en(de) janne lederbijl hue(re)n vrienden/ eensworden sijn van seke(re)n gescillen en(de) gekiven die sij/ underlinge gehadt hebben in woorden oft wercken inder/ manie(re)n hier nae volgen(de) Te weten(e) dat gheen van hen/ noch hue(r) weerdinne(n) oft huysgesin voirtaen den ande(re)n oft/ sijnd(er) weerdinne(n) oft huysgesinne aenruchte(n) bespotte(n) messegge(n)/ noch mesdoen en sullen in woorde(n) oft wercke(n) noch oic/ ongunst oft viantscap haet noch nijt drage(n) op malcande(re)n/ in gheend(er) manie(re)n overgevende en(de) consente(re)nde oft men/ oic van vrouwe(n) p(er)soen(en) dat de contrarie van e(n)nig(er) zijden/ ware gebuert dat die ghene van welker zijden dat/ ware gebuert dair aen verbuert soude hebben thien/ l(i)b(ra) was elcker p(ro)chiekerke(n) binne(n) d(er) stad van loeven(en) twee/ l(i)b(ra) was d(air) af cor(am) berct burg(imagistro) dec(embris) xxii