Cont zij allen lieden dat magriete vanden doirne weduwe/ jans wilen bone des jongen in p(rese)ntia heeft genome(n) ende bekint dat/ zij genomen heeft van roelove roelofs woenen(de) te loeven(e) dwynhoff/ desselfs roelofs geheeten thoff van thuydekem metten wynnen(de)/ landen dair toe behoiren(de) en(de) der weyen vanden selven hove en(de) oic/ vanden beemden hier nae bescreve(n) uutgescheyden vanden bosschen/ welke wynnen(de) lande voirs(creven) gedeylt zijn in drie arden gelijc hier nae/ verclaert wordt Inden iersten aert geheeten den winterart/ sijn ierst drie boender lants geheeten den daelhemerbeemt/ ende tvischblock Item opt suetvelt twee boender lants tusschen/ den goeden claes zijgers costers va(n) wynxele t(er) eend(er) en(de) vrancx/ corbeel t(er) ande(r) zijden Item opt cleyn broecvelt achter arnts van/ pede een half boender lants tusschen de goede lodewijcs roelofs/ t(er) eenre en(de) der wed(uwen) vander hulst ter ande(re) Item opt groot/ broecvelt elf dach(mael) tusschen den goeden arnts va(n) pede t(er) eender/ en(de) der kercken lant t(er) ande(r) zijden Item opt selve velt onderhalf/ dach(mael) tusschen der kercken lant va(n) he(re)nt ter eenre ende arnts/ oliviers geheeten mathijs t(er) ande(r) zijden Item opde heye een boend(er)/ lants tusschen de goeden wouters vanden tymple ter eender en(de) symoe(n)s/ de coni(n)c op dander Item boven de molen opden berch beneden den/ reywech onderhalf dach(mael) lants tusschen den goeden jans boxhoren/ ter eender en(de) der kercken va(n) he(re)nt t(er) ande(r) zijden It(em) noch dair/ bij onderhalf dach(mael) lants dair den reywech door gaet tusschen/ den goeden lodewijcx roelofs t(er) eenre en(de) der jouffrauwen blanckarts/ ter ande(r) zijden Item noch dair bij een vie(re)ndeel lants opden berch/ tusschen den goeden lodewijcx roelofs voirs(creven) t(er) eender en(de) henricx/ marien ter ande(r) zijden Item noch boven den reywech opden berch/ onderhalf dachmael lants tusschen den goeden vrancx corbeel/ ter eender en(de) scloesters vander halfstraten ter ande(r) Item noch/ onderhalf dachmael dair bij gelegen tusschen de goede der joufr(auwen)/ blanckarts ter eender zijden en(de) metten van langendonck ter ande(re)/ It(em) noch opden berch dair den reywech doergaet een half dach(mael)/ naest den goeden willems de becke(re) ter eender zijden ende tcloester
//
vander halfstraten t(er) ande(re) Item noch beneden den reywech opden/ berch onderhalf dach(mael) tusschen den goeden gielijs van duffele/ en(de) m(ijnre) jouffr(auwen) blanckarts Item noch aenden art vander tomstrate(n)/ neghen vierdel lants bijder selver tomstraten tusschen den goeden/ der beghinen va(n) aeschot t(er) eender en(de) henricx de rijcke ter ande(re)/ Item noch een dachmail dair bij tusschen de selve goede/ ter eend(er) en(de) tomstreetken t(er) ande(re) Item noch op den daelhemer/ beemt een half dach(mael) tusschen den goeden des goidshuys vand(en)/ elf duysent maeghden te loeven(e) opde halfstrate t(er) eend(er) ende/ henricx de rijcke t(er) ande(re) Item onder de maleyse opden berch/ onderhalf dach(mael) lants tusschen marcken vanden doirne t(er) eender/ zijden en(de) der kercken lant va(n) he(re)nt ter ande(re) Item inden tweesten/ art geheeten den somerart es yerst een besloten bloc va(n) elf/ dachmael gelegen voer breetzijp bijden hove te thuydekem Item/ noch op douderot een boender tusschen den goeden gielijs vanden/ duffele t(er) eender zijden en(de) jans vander hulst peterssone ter ande(re)/ Item noch opt selve velt onderhalf dach(mael) tusschen den goeden/ vanden elf duysent maeghden voirs(creven) ter eender en(de) gielijs vanden/ duffele t(er) ande(re) Item noch op tselve velt twee boender en(de) een/ half dach(mael) al vast aen tbroeck tusschen die thuydekem strate ter/ eender zijden en(de) de lake op dander en(de) jan van breetzijp opde/ derde It(em) noch achter de hoeve hee(re)n coenraets vander mee(re)n/ te wynxele een dach(mael) lants tusschen den goeden jans verbanct/ t(er) eenre en(de) vrancx corbeel t(er) ande(r) zijden It(em) noch bove(n) thoff t(er) mee(re)n/ onderhalf dach(mael) tusschen de goede hee(re)n coenrarts voirs(creven) ende/ machiels de h(er)toge Item opden hazele(re) onderhalf dachmael/ tusschen twee groen zwaerde(n) tusschen de goede henricx de rijcke/ t(er) eender en(de) arnts va(n) meerbeke t(er) ande(re) Item opden reywech/ een dach(mael) tusschen den goeden lodewijcx roelofs t(er) eenre en(de) der/ kercken lant va(n) he(re)nt ter ande(re) Item op die tomstrate een half/ boender tusschen den beghinen lande va(n) arschot ter eend(er) zijden/ en(de) der weduwen oliviers geheeten mathijs t(er) ande(re) It(em) op die/ tomstrate voirs(creven) xiiii dach(mael) lants in eene(n) stucke tusschen/ de selve tomstrate t(er) eenre jans v(er)banc t(er) ande(re) en(de) d(er) jouffr(auwen) bla(n)ckarts
//
Item noch opt cleyn velt een vie(re)ndeel lants tusschen den goeden der/ kercken van wynxele te beyden zijden Item noch opt selve velt een half/ boender tusschen den goeden marien vander leeps ter eend(er) en(de) vrancx/ corbeel t(er) ande(re) Item noch een vie(re)ndeel lants dair bij tusschen de goede/ jans van breetzijp t(er) eender en(de) vrancx jans v(er)banc t(er) ande(re) It(em) noch/ opt selve velt een half dach(mael) tusschen de goede sgoidshuys vander/ halfstraten t(er) eender en(de) jans va(n) breetzijp ter ande(re) Item opt bijlock drie/ dach(mael) naest den goeden jans de coste(re) en(de) jans die ruyte(re) Ite(m) inden/ selven art een boender tusschen de goede der hee(re)n van vlierbeke/ en(de) lancx die strate dair men gaet te loeven wert It(em) een block/ van vijf dach(mael) gelegen voir thof aen de poirte Inden derden/ aert geheete(n) de brake zijn de goede nae bescreve(n) Ierst een block/ geheeten tsittenblock houden(de) tsamen derthien dach(mael) Item opden/ holbeemt op dynde vanden bloke een half dach(mael) naest den goeden/ arts va(n) pede in beyden zijden Noch dair bij opt selve velt een/ half dach(mael) tusschen de goede m(ijnre) jouffr(auwen) blanckart t(er) eender en(de) arnts/ va(n) pede t(er) ande(re) Noch dair bij een dach(mael) tusschen den goeden arnts/ voirs(creven) t(er) eender en(de) gielijs va(n) duffele t(er) ande(r) zijden Noch dair/ bij vijf dach(mael) tusschen der thienden lande va(n) camerijck en(de) gielijs/ van duffele t(er) ande(re) It(em) noch dair bij sesse en(de) een half dach(mael)/ tusschen der thienden landen voirs(creven) t(er) eender en(de) jans bone van/ rotselair woenen(de) te colene ter ande(re) Ite(m) noch opt selve velt/ dair bij drie dach(mael) tusschen den goeden gielijs va(n) duffele t(er) eender/ en(de) hee(re)n jans luyx priesters t(er) ande(re) Item noch opt selve velt/ vijf dach(mael) tusschen den goeden der weduwen ruelens t(er) eend(er)/ en(de) vrancx vander hulst ter ande(re) It(em) over de beke op die lake/ twee en(de) een half dach(mael) tusschen den goeden arnts va(n) pede/ voirs(creven) t(er) eender en(de) der kercken lant va(n) he(re)nt t(er) ande(re) It(em) noch opt/ selve velt een half dach(mael) lants tusschen den goeden willems/ switten t(er) eender en(de) vrancx vander hulst ter ande(re) It(em) aenden/ moelenberch onderhalf dach(mael) lants tusschen de molen t(er) eender/ en(de) arnts va(n) pede t(er) ande(r) zijden It(em) noch dair bij vijf vie(re)ndeel/ lants beneden dboender tusschen pete(re)n vrancx goede in beyden/ zijden Item noch dair bij thien vie(re)ndeele lants tusschen den goeden/ jans boxhoren ter eender en(de) peters vrancx t(er) ande(r) zijden It(em) noch
//
aenden aert aen den cleynen moelenwech gelegen een vie(re)ndeel lants/ tusschen den goeden henricx de rijcke t(er) eender zijden en(de) jans crabbe/ te winxele op dande(re) It(em) noch aen den selven aert een vie(re)ndeel lants/ tusschen den goeden jans boxhoren t(er) eender en(de) arnde oliviers t(er) ande(re)/ It(em) noch in mydden dmolenvelt een boender lants tusschen den goede(n)/ henricx de rijcke t(er) eender en(de) henricx marien t(er) ande(r) Ite(m) noch opt/ selve velt een half dach(mael) naest den goeden peters vrancx Ite(m) opden/ couthe(r) drie en(de) een half dach(mael) lants tusschen den goeden lodewijcx/ roelofs t(er) eend(er) en(de) sheylichs gheest va(n) sint jacops op die biest ter/ ande(re) It(em) op dwouvelt voir thoff twee en(de) een half dach(mael) tusschen/ de goede der jouffr(auwen) switten ter eender en(de) der weduwen ruelens/ t(er) ande(re) It(em) opden berch boven daelsche delle een half boender tusschen/ den goeden lodewijcx roelofs t(er) eender en(de) wout(er)s troye t(er) ande(re) Item/ dair bij noch gelegen een half dach(mael) tusschen ja(n)ne den colve(re) van/ he(re)nt t(er) eender en(de) arnde va(n) meerbeke t(er) ande(re) It(em) noch opt wincsel/ broecvelt onderhalf dach(mael) aen den voetpat die gaet va(n) he(re)nt/ te velthem wert tusschen de goede vrancx corbeel t(er) eender zijden/ en(de) g(er)truyden v(er)eycken t(er) ande(re) It(em) opt selve velt in mydden een/ dach(mael) tusschen den goeden goessens vander calste(re)n t(er) eende(r) en(de) gielijs/ va(n) duffele t(er) ande(re) It(em) noch dair bij op tselve velt onderhalf/ dach(mael) tusschen den goeden des costers van wynxele en(de) vranx corbeel/ter ande(re) Hier nae volgen de voirs(creven) beemden Inden iersten een/ eeussel geheeten den eyndenpoel gelegen tusschen de goede arnts/ va(n) pede en(de) jans vanden tymple Item noch een eeusel geh(eeten) tstoppel/ eeussel gelegen tusschen goessen verstoct t(er) eender en(de) de broecstrate/ t(er) ande(r) zijden It(em) tgroot eeusel dair tvalveken aen hangt tusschen/ de goede arnts de witte meye(r) va(n) he(re)nt op deen zijde en(de) de goede/ sgoidshuys vanden xi[m] meeghden opde halfstrate te loeven(e) op dande(re)/ It(em) een eeusselken geheeten den inslach gelegen tusschen lodewijck/ roelofs t(er) eender zijden en(de) jan va(n) doirne t(er) ande(re) It(em) int winxelbroeck/ een eeussel alsoet dair gelegen is die tusschen de goede des goidshuys/ vanden xi[m] maeghden op de halfstrate te loeven(e) ter eender zijden ende/ gielijs van thuydekem ter ande(r) zijden Item noch een cleyn eeusselken It(em)/ noch een cleyn eeusselken gelegen aen den goeden eykene(n) bossch tusschen
//
de goede jans v(er)banck op deen zijde en(de) de voirs(creven) roelof op dander/ It(em) aenden suetenbosch noch een cleyn eeussel tusschen de goede goessen/ v(er)stoct en(de) roelofs bosch voirs(creven) op dande(re) It(em) opden hert een boender/ beempts gelegen tusschen lodewijck roelofs t(er) eenre en(de) arnts/ va(n) pede t(er) ande(r) zijden It(em) noch dair bij opt selve broeck drie/ vie(re)ndeel tusschen de goede lodewijcx roelofs ter eend(er) en(de) scloesters/ va(n) bethleem op dande(re) It(em) noch opt selve broeck een half dach(mael)/ tusschen lod(ewijck) roelofs voirs(creven) t(er) eenre en(de) in beyden zijden It(em) noch/ een [cleyn] beemdeken opt selve broeck tusschen de goede jans vanden/ doorne t(er) eenre en(de) des voirs(creven) roelofs roelofs t(er) ande(re) It(em) opt/ selve broec een eeussel alsoet dair belegen is tusschen lodewijcx/ roelofs voirs(creven) t(er) eender en(de) meester jans va(n) raveschote t(er) ande(re) Item/ opt hemelrijke drie vie(re)ndeel tusschen de goede lodewijcx roelofs/ voirs(creven) t(er) eender en(de) de weduwe heyms t(er) ande(r) zijden Te houden/ te hebben ende te wynnen van half merte naestcomen(de) eene(n) t(er)mijn/ van ix jaren lang due(re)nde deen nae dander sonder middel volgen(de)/ Elx jairs dae(re)nbynnen tvoirs(creven) hoff en(de) lande om en(de) voe(r) de helicht/ van allen den vruchten jairlix opde voirs(creven) goede wassen(de) Ende/ voirt oic de weye vanden selven hove en(de) beemden uutgescheyden/ vanden bosschen gelijc vo(r)e Elx jairs dae(re)nbynnen om en(de) voe(r)/ tweentdertich rinssche gulden(en) goet en(de) ghinge te twintich/ stuv(er)s tstuc alle jae(re) sinte m(er)tensmisse inden winter te betalen(e)/ den voirs(creven) roelove den voirg(eruerde) t(er)mijn due(re)nde quol(ibet) ass(ecutu)[m] Met/ vorweerden dat de voirs(creven) wynnersse des voirs(creven) roelofs helicht/ vanden voirs(creven) vruchten afdoen sal en(de) inden bant leve(re)n en(de)/ desselfs roelofs helicht over ande(re)n hoop yerst inne vue(re)n sal/ sonder cost desselfs roelofs Ende de selve wy(n)nersse sal den cnape/ des voirs(creven) roelofs aldair comen(de) om tcoren te deylen opt velt den/ montcost geven It(em) de voirs(creven) wy(n)nersse sal de dersschers vueden/ die des voirs(creven) roelofs gedeelte dersschen sullen en(de) dair voe(r) sal/ zij hebben caf en(de) crintsen oft voe(r) de crintsen elx daighs voir/ twee dersschers een molevat rogs dwelc den voirs(creven) roelofve/ best gelieft en(de) de selve roelof sal de dachue(re)n betalen It(em) de/ voirs(creven) wy(n)nersse sal allet fruyt en(de) de nooten vanden voirs(creven) hove
//
jairlix op hue(re)n cost ter eerden leve(re)n en(de) dair af sal roelof hebben/ de tweedeel en(de) zij tderdel behalven den nooten die zij half en(de) half/ deylen [en(de) hebben] sullen en(de) des voirs(creven) roelofs helicht va(n) zijne(n) corene ende/ greyne en(de) de gedeelte va(n) fruyteoofte en(de) noten sal zij hem jairlix/ sonder zijne(n) cost oft last te loeven(e) leve(re)n Ende insgelijx allet/ coren dat int hoff zijn sal van roelofs wegen jairlix sal zij oic te/ loeven(e) bringe(n) en(de) leve(re)n zonder zijne(n) cost It(em) sal de voirs(creven) wynner roelof/ behouden int voirs(creven) hoff de porte en(de) tsteyne(n) huys met zijne(n) toebehoirte(n)/ en(de) den corensolde(r) dien hij aldair heeft doen maken tot sijne(n) p(ro)ffijte/ en(de) gerieve It(em) sal de voirscr(even) roelof jairlijcx hebben een boender/ lants besayt uuten voirs(creven) landen dair hij dat sal willen kyesen tot/ zijne(n) proffijte alleene en(de) sonder zijne(n) cost Ende hier voe(r) sal/ de wy(n)nersse hebben de weye vanden bogarde metten hove thue(re)n/ verdoene Noch sal zij hebben twijngardeken ter helicht wy(n)ni(n)gen/ en(de) roelofs helicht te binden inne te doen(e) te dorsschen en(de) te loeven(e)/ te leve(re)n gelijc vo(r)e Ende dair toe sal zij hebben dmest vanden/ dofhuyse aldair It(em) sal de wy(n)nersse hebben alle v(er)droeghde willige(n)/ aldair vallen(de) Behoudelijc dat zij voir elke weder setten sal twee/ leven(de) pooten vanden selve(n) arde en(de) die verwaren en(de) wassen(de) houde(n)/ It(em) tot dien sal de wy(n)nersse jairlijx planten dairt best dient/ opt voirs(creven) goet hondert willegen pooten half willegen en(de) half/ alboemen en(de) die verwaren en(de) wassen(de) houden e(m)mer de vijftich/ van dien half eens half anders Item zij en sal gheen seggen hebben/ inde bosschen oft e(n)nich hout te houwen anders dan in heggen en(de)/ hagen dair zij hue(re) wille sal mede moege(n) doen ten behoirliken/ tijden en(de) anders nyet tot hue(re)r berringe(n) behoef en(de) ter mynster/ schaden It(em) inde willegen en sal zij gheen recht hebben mair/ totten setten(e) vanden pooten en(de) bevreeden vanden goeden sal zij met/ roelofs consente dair hij hue(r) dat bewijsen sal oft doen bewijse(n) sal/ luec moegen nemen en(de) anders niet Item zij sal jairlijx den/ voirs(creven) t(er)mijn due(re)nde tgeheel stroe vanden goeden comen(de) int voirs(creven) hoff/ slijten te meste bekee(re)n en(de) dat opde voirs(creven) lande jairlijx vue(re)n zonder/ te moege(n) v(er)coepen zoe wel opde veerste als opde naeste tslants/ meesten orbo(r)e en(de) proffijte It(em) zij sal jairlijx leve(re)n den voirs(creven)/ roelofve tweehondert busselen walms int hof tot hue(re)n coste en(de)
//
laste te verdecken en(de) sonder roelofs last It(em) ende zij sal dae(re)nbove(n)/ jairlijx coepen vijftich mandelen stroes en(de) dat op hue(re)n cost halen/ ende met hue(re)n beesten etten en(de) slijten by(n)nen den voirs(creven) hove en(de)/ d(air)af mest maken en(de) dat oick vue(re)n opde voirs(creven) lande ten meesten/ p(ro)ffijte der selver soe voirscr(even) steet It(em) zij sal jairlijx hie(re)nbove(n) den/ voirs(creven) roelofve geven en(de) op hue(re)n cost te loeven(e) leve(re)n vier ma(n)delen/ stroes It(em) sij sal jairlijx de huysinge vanden voirs(creven) hove houden/ in goeder rep(ar)acien tot hue(re)n coste vander underster rijkelen ned(er)weert/ en(de) die alsoe laten tot hue(re)n afscheyden It(em) alle alsulken schade als/ aen de huysinge aldair geschieden bij hue(re)r oft hue(re)r beesten ocsuyne/ sal zij sculdich zijn op te richten en(de) te repare(re)n It(em) zij sal jairlix/ den voirs(creven) t(er)mijn dueren(de) coepen dertich botvoeder mests dair af/ roelof de tweedeel betalen sal en(de) zij tderdendeel en(de) zij sal dat/ halen en(de) vue(re)n opde voirs(creven) lande soe wel opde veerste als opde naeste/ sonder dat elde(r) oft op ande(r) lande te moegen vue(re)n oft doen oft late(n)/ vue(re)n It(em) soe wa(n)neer men int voirs(creven) hof dect oft plect eest luttel/ oft vele hoe lange dat duert en(de) het gheen men dat en es soe sal/ zij den werclieden den montcost [geve(n)] en(de) roelof sal de dachue(re)n betalen/ Mair alsmen nyeu daken af worpt en(de) maect dan sal roelof/ montcost en(de) dachue(re)n betalen en(de) zij sal alle behoefte en(de) gereetscapt/ tot dien aenhalen It(em) zij sal de voirs(creven) goede en(de) wynnen(de) landen/ jairlix hue(re)n voirs(creven) t(er)mijn due(re)nde houden wynnen werven mesten/ en(de) sbesayen wel ende lolflijc met getideg(en) voren gelijc reeng(enoten)/ bove(n) en(de) beneden billix sculdich zijn te doen(e) en(de) die thue(re)n afscheyden/ besayt en(de) bedreve(n) laten loflijc gelijc zij die bevi(n)den sal nu ten/ ingane vanden voirs(creven) t(er)mijne Te weten den iersten aert voirs(creven)/ met wynt(er)corene op vier getidege voren Den tweesten art/ oft somerart stortte eens o(m)me gedaen en(de) den derdenart brake/ geheel zonder e(n)nige goede te hoervruchten ten ware met/ roelofs consente It(em) sal de voirs(creven) wynnersse jairlix den voirs(creven)/ roelofve vue(re)n tweelf mudden corens tot mechelen inde stad vanden/ corweyen die men hem heeft geplogen te doen(e) sonder roelofs cost/ It(em) zij en sal egheen lande vanden voirs(creven) goeden voirt moege(n) uutgeve(n)/ va(n) hue(re)r hant noch and(er) liede goede moegen aenveerden noch wy(n)nen/ sonder roelofs consent It(em) zij sal in hue(re)n lesten jae(re) int voirs(creven) hoff/ moeten laten soe vele mests als zij aldair thue(re)n iersten innecomen(e)
//
bevant en(de) dat thue(re)n afscheyden moeten vue(re)n op de voirs(creven) lande soe/ wel opde veerste als opde naeste slants meesten proffijte Ite(m) sal de/ selve wynnersse de beken grechten waterleyen roylen straten ende/ weghen om aen en(de) inde voirs(creven) goede liggen(de) hue(re)n t(er)mijn due(re)nde op/ hue(re)n cost houden veghen ruymen ende repare(re)n wel ende loflijc alsoe/ in tijts dat roelof oft zijn goede dair bij niet beschadicht en/ wordden want zij die oft se geschiedde soude moeten ghelden en(de)/ draghen en(de) die [tot hue(re)n] afscheyden(e) laten alsoe zij die thue(re)n ierste(n) aen/ comen(e) bevant It(em) sal de voirs(creven) roelof jairlix coopen sessendertich/ voedere m(er)gels die welke de voirs(creven) wynnersse thue(re)n laste halen/ sal en(de) de goede dair mede m(er)gelen ten meesten proffijte Item is/ vorweerde oft de voirs(creven) wynnersse tot e(n)niger tijt in gebreke wa(r)e/ by(n)nen den voirs(creven) t(er)mijne van voldoen(e) van e(n)nigen vanden pointen/ inder voirs(creven) pechtingen begrepen dat de voirs(creven) roelof die sal/ moegen doen doen ten coste der voirs(creven) wynnerssen Item zij sal/ jairlix alse roelof zijn wijne snijden sal eene(n) dach met twee/ wagen(en) en(de) den peerden dienen en(de) de wyne hulpen halen alse roelof/ des begheert en(de) te doen(e) heeft Ende alle dese vorweerden (et)c(etera)/ Hier af zijn [es] borgen als p(ri)ncipael sculde(re) ongesundert en(de) o(n)verscheyden/ marc vanden doirne der selver wynnerssen vader Oic es hue(r)/ borge totter so(m)men toe van vijftich rinssche gulden tsjaers/ den voirs(creven) t(er)mijn dueren(de) henric bone hue(r) swager quos exin(de)/ P(ro)misit indempnes releva(r)e cor(am) roelants willemair ja(nua)[rii] xxvii