It(em) henrick zelkart in p(rese)ncia heeft genome(n) en(de) bekint/ dat hij genome(n) heeft van hee(re)n ja(n)ne van langrode admi(ni)strate(ur)/ des godsh(uys) van vlierbeke de moelen desselfs godsh(uys) gelege(n)/ te beetse met allen den toebehoirte(n) Te houden en(de) te/ hebben van eend(er) maent nae kersdach lestleden eene(n)/ t(er)mijn van sesse jae(re)n lang due(re)nde Elcx jaers dae(re)nbinne(n)/ om en(de) voe(r) sessentwintich mudd(en) corens der maten/ van loeven(en) diest alsulcx als de selve moelen jaerlijcx/ wynne(n) sal half te kersmisse ende half s(in)[t] jansmisse/ bap(tis)[te(n)] te betalen den voirs(creven) godsh(uys) den voirs(creven) t(er)mijn due(re)nde/ quol(ibet) ass(ecutu)[m] Met vorweerde(n) dat de voirs(creven) molde(r) de/ voirs(creven) moelen hebben ende jaerlicx houden sal op/ sijne(n) last van allen rue(re)nden wercke sond(er) vand(en) moele(n)boeme/ en(de) vand(en) steene en(de) oic vand(en) stijpere al sonder argelist/ It(em) is vorweerde dat de voirs(creven) molde(r) zijne(n) t(er)mijn/ due(re)nde i de huysinge vander moelen sal moeten/ houde(n) in goeden state vand(er) underster rijkelen nederweert/ het en wa(r)e dat den muer ter zijden vand(en) watere/ uutvlote dair inne en soude de molde(r) niet gehoude(n)/ sijn al sonder argelist It(em) want de voirs(creven) h(er) jan/ den voirs(creven) moelen alsnu doet repare(re)n soe heeft/ de voirs(creven) molde(r) overgegeve(n) en(de) geconsenteert dat/ als dien gemaect en(de) gerepareert sal zijn dat dien/ worde gevisenteert en(de) getaxeert bij gorde bubbele(re)/ als moelenslege(r) en(de) dat hij d(air)af claernisse doe/ voir scepen(en) van loeven(en) om ind(er) selv(er) scepen(en) reg(ist)re/ bescreve(n) te werde(n) en(de) heeft gelooft de voirs(creven) molde(r)/den molde(r) den voirs(creven) moelen te late(n) te zijnen/ afsceyden alsoe goet als he(m) dien bij taxacien/ als vo(r)e getaxeert en(de) gelevert sal worde(n) En(de)/ alle dese vorweerde(n) (et)c(etera) En(de) hier af is borge als/ p(ri)ncipael des voirs(creven) molders gord ty(m)merman f(ilius)/ joh(ann)is Et p(rim)[(us)] cor(am) roelants tybe febr(uarii) penult(ima) #Addendum?! It(em) gord de bubbele(re) heeft geclaert bij zijne(n) eede dat hij met/ henr(icke) van yseren als moelensleg(er) den voirs(creven) moele(n) heeft/ gevisenteert en(de) tgaen(de) werc d(air) toe(n) wae(re)n ii gestelle(n) deen van/ vii spille(n) en(de) dand(er) van vi getaxeert op vijfthien r(insch) guld(en)/ te twintich stuv(er)s tstuc cor(am) berct moele(n) julii xiiii a(nn)[o] lxxix