Want katheline vranx huer metter stat brieve(n) gescreve(n) aenden/ meye(r) van bierbeke als uut crachte van beleide van scepenen/ brieve(n) van loven(en) onder den ande(re)n totte(n) goede(n) goirts crabbe oft/ den bode vand(er) stat in hue(re)n name hadde doen leve(re)n alle de selve/ goede en(de) dach van rechte doen bescheiden jannese crabbe sone des/ selfs gorts en(de) ande(r) hande d(air) aen slaende die bij langen verstrike/ van tide dat de selve ka(theli)[ne] altijt gevolcht hadde en(de) mits opposicien/ die de vors(creven) jannes crabbe oft sijn p(ro)cu(r)e(ur) gepijnt hebben hier/ inne te doene ge(con)tinueert es op heden dair zij alnoch/ versocht heeft in hue(r) vors(creven) scepen(en) brieve en(de) leve(r)inge(n) gehoude(n)/ te wordde(n) om hue(r) wettige sculde(n) die sij bij eede p(rese)nteerde te v(er)ifice(re)n/ alst behoefde dair tege(n) wille(m) van leefdale als p(ro)cu(r)e(ur) des voirs(creven)/ jannes crabbe hem v(er)antweerden(de) dede seggen dat de vors(creven) jannes/ overgeg(even) hadde [in] eend(er) cedulle(n) seke(re) p(er)seele(n) van goede(n) d(air) op hij/ besette(n) en(de) bevestige(n) woude de drie r(insche) gul(den) lijfpen(sien) d(air) voe(r) de vors(creven)/ ka(theli)[ne] geleit was hopen(de) d(air) mede te gestaene dair tege(n) de vors(creven)/ ka(theli)[ne] replice(re)nde dede segge(n) dat hue(r) verwonderde van des vors(creven)/ jannes oft sijns p(ro)cu(r)e(ur)s voirtstel in desen nae der t(er)minacie(n) die/ d(air) af tussce(n) hen gegeve(n) was febr(uarii) xviii lestlede(n) beg(re)pen wair/ jannes hue(r) hue(r) execucie scutten woude dat hij in dien gevalle(n)/ gehoude(n) soude sijn der vors(creven) ka(theli)[ne(n)] optelegge(n) en(de) te betale(n) hue(r) wettige/ coste(n) vand(en) beleide en(de) ande(re) met rechte gesciet en(de) insgelix hue(r)/ v(er)loipe(n) pachte(n) en(de) insgelix hue(r) te setten goede(n) ond(er)pant voe(r)/ de selve hue(r) lijfrinte nader stat recht om de welke huer die/ behoirlic in gesc(ri)fte over te geve(n) hij dien? genome(n) hadde bij (con)sente/ d(er) selver ka(theli)[nen] den welk(en) op ghist(er)en diende nochtan en hadde
//
hij huer die niet gep(rese)nteert noch voldaen van cost den wettig(en) coste(n)/ en(de) verloepen(en) pachte(n) en(de) alsoe sustineerde zij in hue(re)n beleide gehoude(n)/te wo en(de) hue(r) die goede aengewesen te wordde(n) en(de) dat hue(r) hue(r)/ rechtvorde(r)inge met desen vreemden v(er)trecke(n) en(de) uutweg(en) dair niet/ and(er)s nae en volghde niet lang(er) gescorst en soude wordde(n) huer des/ getroesten(de) totte(n) rechte dair tege(n) de vors(creven) p(ro)cu(r)e(ur) replice(re)nde met/ zeke(re)n vreemde(n) uutweg(en) doende lesen in rechte i cedulle van sek(ere)n/ pande(n) die hij alst scheen setten woude oft doen sette Es gewijst/ter Soe hebben de scepen(en) van loven(en) ter maniss(en) smeyers gewijst/ voer een vo(n)nisse datmen der vors(creven) ka(theli)[nen] vranx vand(en) vors(creven) goede(n)/ houden soude inde macht van hue(re)n vors(creven) beleide om hue(r) wettige/ sculde(n) dair aen te verhalen soe v(er)re dit noch voir scepen(en) comen/ es Act(um) in scampno cor(am) roelants berghen tybe willem(air) m(ar)cii iiii[ta]