Vand(er) aenspraken die pet(er) beyart scrijnmake(r) gedae(n) heeft/ voir meye(r) en(de) scep(enen) van loeven(en) tot ja(n)nes daneels van seke(re)n/ injurie(n) beyde van woorden en(de) anders die de voirs(creven) ja(n)nes hem/ soe hij dede seggen gedaen soude hebben gelijc hij die oftse/ hem wordden ontkint p(rese)nteert te bewijsen tende(re)nde alsoe/ tot bet(er)nissen van dien Ende want hem die bijden voirs(creven) ja(n)nes
//
wordde(n) geheelic ontkint soe wert de selve pet(er) d(air)op gewese(n)/ tot zijne(n) thoene dair toe hij eene(n) seke(re)n dach nam tot/ welcke(n) dage oft ande(re)n naevolgen(de) dage(n) dair toe dienen(de)/ hij e(n)nige der selver hadde geleyt en(de) d(air)entinde(n) liet metten/ ande(re)n voirt te varen alsoe dat de voirs(creven) ja(n)nes uut(er)lijck/ versocht heeft vand(er) saken quijt gewesen te werde(n) wair/ op de scepen(en) gemaent vand(en) meye(r) gewesen hebben met/ vo(n)nisse waer pet(er) beyaert scrijnmake(r) met sijne(n) thoene niet/ voirt en voe(r) voir dopstaen smeyers ende der scepen(en) dat dan/ de voirs(creven) ja(n)nes vander voirs(creven) aenspraken ongehouden soude/ zijn In sca(m)p(n)[o] m(ar)cii xiii