Vanden gedinghe dat overlant inde banc voir meye(r) en(de) scepen(en) va(n) loven(e) geweest/ heeft tusschen janne van leeuwe aenlegge(r) ter eend(er) sijde(n) en(de) symoene van wesembeke/ verweerde(r) t(er) ande(re) om sesse rinsche gul(den) wille oft d(air) omtri(n)t van coste(n) bijden/ vors(creven) symoene bekint sculd(ich) te sijne soe jan meynde Ald(air) de selve dede segg(en)/ dat de selve symon te rechte betog(en) hadde te he(re)nt henrick vand(en) bossche der/ om dat [hem] de selve henr(ic) als knape desselfs jans ongebruyc soude hebbe(n) gedaen/ van sek(ere)n meste te drag(en) uut jans hove te wijchmale over de dijle op een gemeyn/ plaetse dair de selve van wesenbeke p(re)tendeerde recht toe te hebben dat hij jan vors(creven)/ eer henric op de aensprake vors(creven) symoens antweerde die sake te he(m)weert nam/ p(rese)nte(re)nde die selve te v(er)antweerde(n) als zijne en(de) die in sijne(n) dienste was gesciet en(de)/ bij sijne(n) gehuerde(n) bode dat dien nyet tege(n)staen(de) symon op henr(icke) voirtvoer/ soe v(er)re dat aensprake en(de) v(er)antweerde(n) d(air) inne gesciet en(de) thoen geleit sijnde/ en(de) die sake wort te(n) hoode bracht sijnde de selve henr(ic) mette(n) hootvo(n)nisse o(n)gehoud(en)/ was gewijst vand(en) aensprak(en) vors(creven) dat jan van leeuwe altijt van genechte/ te genechte in dit gedinge navolgen(de) sijnd(er) vors(creven) p(rese)ncie[en] van die sake te wille(n)/ v(er)antweerd(en) v(er)leecht hadde de coste(n) bij henr(icke) sijne(n) knape d(air) inne gelede(n) dat vort/ de selve jan begheert hadde va aen symone dat hij he(m) die v(er)leechde coste(n) opleyde/ dat symon die d(air) op begheert hadde over te hebbe(n) om die te diminue(re)n oft te/ wed(er)legge(n) dat voirt symon die coste(n) [alsoe] overhebben(de) in sijnder diminucien/ de selve insdeels bekint hadde en(de) dat hij alsoe in die bekinde coste(n) geduemt/ was geweest die op te legge(n) dat wort d(air) na [t(er)stont] de selve symon seyde totten/ vors(creven) van leeuwe comt laet ons overreken(en) wair op de bekinde coste(n) comen/ ic hebbe gelts genoech ic wilse u betale(n) dat voort symon dien acht(er)volgen(de) ald(air) in een huys ginc de(n) selve(n) janne die overreken(en) en(de) betale(n) en(de) gedroege(n)/ t(er) vors(creven) so(m)men van omtri(n)t vi r(insch) g(ulden) en(de) als symoen sach dat [de] meye(r) en(de) dyene(re)/ van d(aer) ware(n) toech hij die wed(er) te hemw(er)t seggen(de) dat die niet genoech/ getelt en wae(re)n en(de) ginc d(air) mede zijnd(er) veerde(n) sond(er) betale(n) en(de) dat e(n)nige/ dat siende he(m) dat last(er)den en(de) onn one(r)e sprake(n) seggen(de) dat schande wae(r)/ dat hij janne de vors(creven) pe(n)ninge die hij he(m) uutgereyct en(de) betaelt hadde/ wed(er) ontoge(n) hadde en(de) omdrag(en) en(de) dat symon d(air) op seyde segt janne dat/ hij come tot jans sgrove(n) huys ic wilse he(m) wed(er)om dueghdelic reken(en)/ en(de) betale(n) en(de) dat dese gelufte gesciet was voir en(de) eer de quijtsceldinge
//
gesciedde die de vors(creven) henr(ic) vand(en) bossche vand(en) selve(n) pe(n)ning(en) de(n) vors(creven)/ symoene gedaen mocht hebben p(rese)nte(re)de alle pointe(n) soe v(er)re die in feyte/ zijn geleg(en) en(de) bijde(n) vors(creven) symoene wordde(n) ontkint te thoene(n) en(de) mette(n)/ mynste(n) te gestaene hopen(de) wair hijse gethoene(n) conste dat he(m) de selve/ symon gehoude(n) soude sijn de selve bekinde coste(n) te betale(n) he(m) die getroisten(de)/ totte(n) rechte Dair teg(en) de vors(creven) symon he(m) v(er)antweerden(de) bij diversen reden(en)/ en(de) besund(er)t want hij teg(en) nyeman(de) dan de(n) vors(creven) henr(ic) tgedinge gevuert/ en hadde noch gheen ande(r) p(ar)tie en hadde gehadt en(de) dat de selve henr(ic)/ hem gekint hadde vand(en) selve(n) coste(n) vernuecht en(de) alsoe d(air) af quijtgescouwe(n)/ hadde dese en(de) meer ande(re) pointe(n) luttel te(n) p(ro)poeste dienen(de) p(rese)nteerde/ hij te thoene(n) en(de) mette(n) mynste(n) te gestaene Wair op p(ar)tien in wed(er)sijde(n)/ tot hue(re)n thone gewijst sijnde de vors(creven) jan thoende alles tgheens dat hij/ he(m) gelijc vo(r)e hadde v(er)mete(n) en(de) de vors(creven) symoen en thoende niet des/ he(m) d(air) tege(n) mocht releve(re)n? in rechte Es gewijst uut(er)lijc bij de(n) scep(enen)/ van loven(e) t(er) manisse smeyers na tverversschen vand(en) saken dat hen/ bij hue(re)n vo(n)nisse was gedaen ov(er)mits dat tgedinge h(ier) af voir hue(re)n/aeng aencome(n) was gebuert en(de) rijpelic gevisenteert de [int(er)rogatorien vand(en)] deposicien/ die hij hier af wae(re)n gesciet voir s(in)t jansmesse lestlede(n) dat de vors(creven)/ symoen gehoude(n) soude sijn den vors(creven) janne sijne(n) eysch te voldoene/ cor(am) roelants langrode tybe willem(air) m(ar)cii xxiii