Cond zij alle(n) lieden dat arnt va(n) breetsijp en(de) marie zij(n) wijf/ in p(rese)ncia hebben genome(n) ende bekint dat sij genome(n) hebbe(n)/ va(n) arnde vander borch zone jans wile(n) vand(er) borch thof desselfs/ arnts geheete(n) thof ter elst gelegen inde prochie va(n) tieldonck/ mette(n) wynnen(de) landen bossche(n) en(de) eeussele(n) dair toebehoiren(de) en(de) alle(n)/ ande(re)n zijne(n) toebehoirte(n) met oick eene(n) boende(r) lants v(er)crege(n) tege(n)/ derfgename(n) henr(ix) wile(n) vand(er) eect zoe v(er)re henr(ic) lyedens dat/ te vo(r)en gehouden heeft Item noch (½) boend(er) lants v(er)crege(n) tege(n)/ derfgename(n) arnts va(n) bullestrate(n) Item noch i(½) dach(mael) bempts int/ wercht(er)broeck Ende een dach(mael) bempts inde lynderbempde die de/ voirscr(even) henr(ic) liedens oick gehoude(n) heeft Te houden te hebbe(n)/ ende te wynne(n) van half mey naestcomen(de) eene(n) t(er)mijn va(n) thien/ jare(n) lanck v(er)volgen(de) Elx jaers dairenbynne(n) Te weten(e) de wi(n)nen(de)/ lande om ende voe(r) vijftich mudden rox goets en(de) payabels wel/ bereyt met wa(n)ne en(de) vlogele(n) wel bereyt pacht en(de) mate van/ loven(e) tsinte andr(ies)misse apostels te betale(n) en(de) int voirs(creven) hof te/ leve(re)n Ende de voirscr(even) bempde en(de) eeussele om en(de) voe(r) vive(n)twi(n)tich/ rinssche gulden(en) te xx stuv(er)s tstuck tsinte m(er)tensmisse te betale(n)/ den voirs(creven) arnde alle ja(r)e den voirscr(even) t(er)mijn due(re)nde quol(ibet) ass(ecutu)[m]/ Ende voirts opte vorweerden ende condicie(n) h(ier)nae bescr(even) Te/ weten yerst dat de voirs(creven) gehuyssche(n) den voirs(creven) arnde jairlix/ den voirs(creven) t(er)mijn due(re)nde leve(re)n sele(n) int voirscr(even) hof acht ma(n)dele(n)/ rogge(n) stroes en(de) acht mandele(n) zomerstroes die de selve arndt ald(air)/ met zijne(n) beesten slijten en(de) te meste beke(re)n sal en(de) tsestich/ bussele(n) walms om de huysinghe vanden voirs(creven) hove alsoe wel/ die ghene die de voirscr(even) arndt behult en(de) bewoend alse die tot
//
den voirscr(even) hove diene(n) mede te decken(e) en(de) alsme(n) die ald(air)/ v(er)dect soe selen de selve gehuyssche(n) den werclieden de(n) montcost/ geve(n) en(de) leve(re)n theene en(de) dackroede(n) d(air) toebehoiren(de) en(de) arndt/ sal de dachue(re)n betale(n) It(em) sele(n) de voirs(creven) gehuyssche(n) den voirs(creven)/ arnde jairlijx bynne(n) den voirs(creven) t(er)mijne met hue(re)n wagen(e) en(de)/ p(er)den en(de) thue(re)n coste zesse dage corweyden Ende hem d(air)toe/ hale(n) ende int voirs(creven) hoff leve(re)n alle dberhout dat hij voir/ zijn huysgesin behoeft dwelck hij ald(air) omtrint den hove/ hebben oft coope(n) sal oft doen make(n) Voirt sele(n) de voirs(creven)/ gehuyssche(n) oick gehouden zijn te hale(n) en(de) int voirs(creven) hoff/ te bringe(n) alle ty(m)merhout dat [me(n)] aende huysinge va(n)d(en) beyde(n)/ woeni(n)gen besighen sal ende des sele(n) zijn hebbe(n) de spaende(re)/ d(air)af comen(de) Item oft arndt e(n)nige corweyden vand(en) voirs(creven) zesse/ corweyden name die niet voirde(r) en ware(n) dan van dair/ te loven(e) te vare(n) oft alsoe v(er)re zoe soude(n) hem de voirs(creven) gehuysscen/ voir elke d(er) vors(creven) vi corweyde(n) doe(n) ii corweyd(en) te loven(e) It(em)/ selen de voirscr(even) gehuysschen jairlijx den voirs(creven) t(er)mijn lanck/ due(re)nde een boende lants vanden lande voirscr(even) daers meest/ te doen sal zijn wel ende loflijck ov(er)merghelen allessins/ tot hue(re)n laste Item sal de voirscr(even) arndt jairlijx hebbe(n) en(de)/ behouden dooft vande(n) g(ro)ten bog(ar)de ald(air) mair de repelinge/ van dien zonder den wintslach sele(n) den wynne(n) volghen/ It(em) de voirs(creven) arnt sal jairlijx behoude(n) den warmoeshof aende/ messie en(de) dien uuyt(er) selver messien moege(n) meste(n) en(de) oick dooft/ d(air)inne wassen(de) It(em) sele(n) de voirs(creven) gehuyssche(n) moege(n) struncken/ stru(n)ckhout dat opte t(er)mijte(n) termpten vanden voirs(creven) wynnende/ lande steet en(de) niet voirde(r) Bij alsoe dat zij dat legge(n) ende/ houwe(n) selen in zesse laghe(n) en(de) ten behoirlijcke(n) tijden alle ja(r)e eene(n)/ houw mair ten h [leste(n)] ja(r)e van hue(re)n t(er)mijne en sele(n) zij egheene(n)/ moege(n) houwe(n) Ende zij selen jairlijx moegen weyden met/ hue(re)n beesten die weyde inde voirs(creven) bossche(n) svoirs(creven) arnts/ aldair Bij alsoe dat zij inde spruyten van eene(n) jae(r) gheen/ hore(n)veede en sele(n) moege(n) doen noch late(n) doen It(em) sal de/ voirscr(even) arndt den voirs(creven) wy(n)ne jairlix geve(n) vier elle(n) wolle(n)s/ lakens tot eene(n) tabbaerde d(air)op de selve wy(n)ne gehoude(n) sal/ zijn te sette(n) de divise desselfs arnts Item en selen de voirs(creven)
//
gehuyssche(n) egheen vanden voirscr(even) landen moegen v(er)hue(re)n om/ te grave(n) noch selve doen graven noch gheen van dien moge(n)/ hoervruchte(n) dan alleene den hoeck vand(en) g(ro)ten bloke achter/ thof eeusel te wete(n) tot aende(n) wech gaende vand(en) voirscr(even)/ hove te tieldonck w(eer)t It(em) selen die voirs(creven) gehuyssche(n) hebben/ den cleyne(n) bog(ar)t tot hue(re)n verdoene Item selen de wynne(n) jairlijx/ allet stroo vanden voirscr(even) lande jairlijx comen(de) bove(n) tstroo en(de) den/ walm voirscr(even) int voirscr(even) hof bringe(n) en(de) met hue(re)n beeste(n) slijten en(de)/ te meste beke(re)n en(de) dat en(de) oick dmest va(n) alle(n) den ande(re)n stroe/ dat hij int selve hof bringe(n) mochte vue(re)n opde voirscr(even) lande/ alsoe wel op de verste als opde naeste Ende die selve lande(n)/ wynne(n) en(de) werve(n) gelijck reengegenote(n) en(de) die late(n) thueren/ afscheyden gelijck zijse sculdich zijn te vinden te hue(re)n ae(n)come(n)/ Te weten(e) den wynt(er)aert met rogge besayt op vie(r) getidege/ vore(n) en(de) inden someraert de g(er)ste op drie vo(r)en besayt deven(en) op/ twee vore(n) en(de) de brake eens o(m)megedaen Ende de selve lande/ eeussele(n) en(de) bossche(n) leve(re)n tot hue(re)n afscheyde(n) wel en(de) loflijck/ v(er)maect beheymt en(de) ongeedt en(de) de grachte(n) ov(er) al jairlijx g(ra)ven/ gelijck de wy(n)ne vander banck ald(air) en(de) ande(re) d(air)omtrint doen sulle(n)/ behoudelijck dat zij den lueck en(de) beheymsel h(ier)toe jairlijx behoeven(de)/ sele(n) moegen houwen opde voirscr(even) goede ter mi(n)ster schaden en(de)/ die jairlijx alsoe houden staen(de) ten behoirlijcke(n) tijde(n) oick sele(n) die/ wynne(n) jairlijx moege(n) houwe(n) desgelix huer heytsel dat zij behoeve(n)/ sele(n) mede te backen Bij alsoe dat zij den voirs(creven) arnde mede selen/ doe(n) maken en(de) leve(re)n alsoe vele heytshels als hij ald(air) behoeve(n)/ sal It(em) sele(n) de voirscr(even) gehuyssche(n) jairlijx vand(en) voirs(creven) arnde/ soe lange zijne(n) t(er)mijn noch due(re)n sal overhebbe(n) en(de) behoude(n) de/ tweedeele vand(en) thienden die hij ald(air) hult vand(en) godshuyse/ van pitsenborch Elx jaers voir en(de) om neghentien r(inssche) gul(den)/ te xx stuv(er)s tstuck te half meye te betale(n) jairlijx alsoe lange/ als desselfs arnts t(er)mijn d(air)af due(re)n sal quol(ibet) ass(ecutu)[m] Met vorw(er)d(en)/ dat zij de tweedele en(de) oick dander derdendeel dat arndt selve/ behult innehale(n) sele(n) en(de) int voirscr(even) hof bringe(n) thue(re)n laste/ Ende zoe wa(n)neer stroo van hue(re)n twee deele(n) en(de) va(n) arnts/ derdendeele gheedt sal zijn soe selen de gehuysschen dmest
//
d(air)af oick vue(re)n opde voirs(creven) lande tslants meesten prouffijte/ Ende zij selen jairlijx vue(re)n eene(n) sack corens van int hof/ voirscr(even) tot mechele(n) dien arndt hem int hof leve(re)n sal/ Ende zij sele(n) moege(n) houwe(n) alle verdroochde willige(n) ende/ voir elke wed(er)om moete(n) sette(n) twee leven(de) poote(n) Es oick/ vorw(er)de dat de voirs(creven) wy(n)nen egheenssins en sulle(n) moge(n) uuytvare(n)/ met wagen(e) en(de) p(er)den in tijde(n) als dat den lande(n) oft vruchte(n) hind(er)/ soude(n) moege(n) drage(n) oft arnt vand(en) borch zijn corweyde(n) mocht/ bege(re)n ter ande(r) zijden en sal arnt gheen corweyde(n) moge(n) bege(re)n/ in tijde(n) vand(en) oechste oft vand(en) sayen(e) It(em) de voirs(creven) gehuyssche(n)/ sele(n) de voirscr(even) huysinge vand(en) voirs(creven) hove houden vander/ und(er)ster rijckelen ned(er)wert tott(er) plate(n) toe va(n) wande(n) ende/ plackaigen op hue(re)n cost It(em) selen de voirscr(even) gehuyssche(n) talle(n)/ tijden alst arnt des behoeve(n) sal desselfs arnts core(n) t(er) molen/ vue(re)n en(de) wed(er)om gemale(n) zijnde thuys leve(re)n It(em) sele(n) de voirscr(even)/ gehuyssche(n) Item es vorweerde dat de voirs(creven) wynne(n) gehoude(n) sele(n)/ zijn te houden(e) en(de) te vueden(e) int voirs(creven) hof te twee ja(r)en ter/ helcht lxxv scape(n) die art voirs(creven) hen leve(re)n sal oft hem gelieft/ Ende oft e(n)nige storve(n) soude art tgetal volmake(n) Mair waren/ teenig(er) tijt vi oft vii scape(n) die niet en dochte(n) ov(er) te houde(n)/ die salme(n) uuyt doen en(de) tussche(n) arnde en(de) de wy(n)ne gelijck deyle(n)/ Des moet de wynne die bete(re)n en drive(n) en(de) zoe v(er)re arnde niet/ en geliefde de scapen te besorgen souden de wynne dat moete(n)/ doen ende des soude jairlijx den voirs(creven) arnde corte(n) ende/ afslaen eene elle lakens vanden vier elle(n) Item selen de/ gehuyssche(n) hebbe(n) half de okernote op de goede wassen(de) en(de)/ arnt dander helcht des sele(n) de wynne die slaen en(de) ter eerden/ leve(re)n Ende de wynne sele(n) de wynne hebbe(n) geheel dooft/ va(n) eene(n) appelle(re) inden g(ro)ten bosch en(de) van eene(n) p(er)rele(re) acht(er)/ de schue(r) It(em) es vorweerde dat de voirs(creven) wynne(n) sculdich selen/ zijn te saeyen(e) tot behoef vanden voirscr(even) arnde jairlijx drie/ mol(evate) lijsaets en(de) de lande(n) d(air)toe wel en(de) loflijck wynne(n) ende/ werve(n) gelijck den hue(re)n ende des sal arnt den saet leve(re)n En(de)/ zoe wa(n)neer uuytgetoge(n) sal zijn gelieft dan den wynne(n) raepcruyt/ d(air)op te wynne(n) dat sulle(n) zij moege(n) wynne(n) doen en(de) d(air)af sal
//
arnt gelijck hen tgeniet hebbe(n) Item sele(n) de voirscr(even) wy(n)ne/ gehouden zijn jairlijx te ruyme(n) en(de) te veghe(n) alle beken wat(er)/ leyden en(de) zijwege(n) omtrint den voirs(creven) goede(n) liggen(de) wel ende/ loflijck alsoe dat arnde oft zijne goede d(air)bij niet gelast en/ wirden oft beschadicht It(em) sal de voirscr(even) arnt moege(n) laten/ gae(n) inden mesthoff en(de) d(air)omtrint vand(en) voirscr(even) hove xviii oft/ xx hoende(r) onder cap(uynen) hane(n) en(de) hynne(n) zonder dat d(air)teghen/ de voirscr(even) wynne(n) sulle(n) moege(n) segge(n) Item sele(n) de voirs(creven) wy(n)nen/ gehouden zijn te houden(e) vanden voirs(creven) arnde en(de) nyema(n)de and(er)s/ eene(n) wynt oft hasewinde en(de) dien vueden alsoet behoirt En(de)/ alle dese vorweerden cor(am) roelants tybe ap(ri)lis p(ri)ma