Op de questie voe(r) den rade vand(er) stad geport tusschen janne/ van ijssche stedehoude(r) vand(en) rentm(eeste)r ons gened(ichs) hee(re)n tot lyere/ die voir kueren oft brueken in hachte(n) hadde doen stellen te/ lyere janne vand(er) hellen s(in)[t] pet(er)sman van loeven(e) ter eend(er)
//
zijden en(de) den selve(n) janne vand(er) hellen die tot gheene(n) ontslaghe/ costeloes en hadde connen gecome(n) voir nu dat d(air)o(m)me drie brieve(n)/ vervolgen(de) vand(er) stad wegen gescreve(n) wa(r)en geweest aen den/ scouth(eyt) van lyere ter ande(re) dair de stedehoude(r) meynde en(de)/ oochde dat s(in)[t] pet(er)s man behoirde te rechte van sijnder ticht/ inde banc te lyere want hij dwerc vand(en) brueke gedaen en(de)/ thout afgehouwen hadde eer hij de vrijh(eyt) aen nam ende dat hij/ d(air)o(m)me sijn costen ald(air) versete(n) sculdich wa(r)e te betalen Oick en/ hadde hij inden aentast niet laten bliken dat hij s(in)[te] pet(er)s man/ was de sake ghinc m(ijnen) gened(ighen) hee(re) ane en(de) alsoe liet hij d(air) mede/ gebee(re)n zijne(n) meester den rintmeester en(de) alsoe en woude hij he(m)/ d(air) af niet thijden met meer woorde(n) bij he(m) gealligeert dair/ bij hij tendeerde totter voirs(creven) conclusie(n) d(air) tege(n) s(in)[te] pet(er)s man/alligeerde hielt de contrarie meynen(de) yerst dat hij nerghe(re)ns/ te rechte en behoorde dan alhier dair hij gevrijdt is te voirder/ want hij voir des(en) calangie(n) en(de) hachte(n) de vrijh(eyt) aengenome(n) hadde/ en(de) p(rese)nteerde te bewijsen dat hij inden aentast genoech te kennen/ hadde gegeve(n) dat hij s(in)[te] pet(er)s man was en(de) ald(air) versocht hij ongelast/ te blive(n) vand(en) costen die bij he(m) inder vroente(n) ald(air) wa(r)en gedaen/ en(de) voirt dat hij he(m) restitueerde sijn costen bij he(m) hier inne geleden/ Dair tege(n) de rentmeester seyde dat hij de costen van inne slane en(de)/ uutslane hadde voldaen en(de) alse vand(en) ande(re)n vroentcoste(n) en(de) ande(re)n/ hoopte hij ongehouden te sijne en(de) dat hij nae der stad recht van/ lyere dair die wa(r)en geschiet die niet sculdich en was Oick soe/ hadde s(in)[te] pet(er)s man die gelooft te drage(n) Dair tege(n) s(in)[t] pet(er)s man/ de contrarie seggen(de) bijleggen(de) te thoene(n) de contrarie ende besunder/ opdoen(de) al mocht hij gelooft hebbe(n) die te betalen dat dat niet/ voirder en was dan in dien men alhier bevonde dat hij d(air) inne/ gehouden wa(r)e en(de) dat hadde hij va(n) noode gedaen want hij anders/ niet teten en hadde connen gecrige(n) Es duytsprake vand(er) stad/ nae dien dat de stedehoude(r) genoech bekinde dat s(in)[te] pet(er)sman/ ten tide vand(en) aentaste hem geoocht hadde s(in)[te] pet(er)s man/ te sijne dat vand(en) bruek(e) die men hem eyscht hij behoirt/ beticht en(de) aengesproken te sijne werdden van eene(n) meye(re)/ van loeven(e) voir meye(re) ende sinte pet(er)s ma(n)nen van loeven(e)/ dat voirt hij ongehouden sal bliven vanden voirs(creven) vroent/ costen soe wel vanden montcosten als ande(re)n ende/ dat de voirs(creven) stedehoude(r) gehouden soude zijn hem zijn/ costen hier o(m)me geleden opte legge(n) ende te betalen ende/ hem vand(en) voirs(creven) gelofte(n) te ontslaen(e) In (con)s(ili)[o] op(idi) aprilis v[ta]