It(em) lodewijc pynnoc sone wile(n) amelrijcx in p(rese)ncia heeft/ gekint ende gelijdt dat henrick pynnock zijn brued(er)/ he(m) volcomelijc ende wale afgeleet ende gequete(n) heeft/ eene(n) pet(er) te xviii stuv(er)s den stuv(er) te drie pl(a)c(ken) erflijcker/ rinte(n) van dien twee gelike(n) pet(er)s erflijc valen(de) jaerlijcx/ s(in)[t] m(er)tensmisse die de voirs(creven) lod(ewijc) heeft en(de) houden(de) is/ en(de) met tractate en(de) vorweerde(n) bij middele van vriende(n)/ gemaect en(de) tussche(n) de voirs(creven) gebruede(re)n voir scepen(en) van/ loeven(e) gepasseert octobr(is) xxv a(nn)[o] lxxvi he(m) toegevuecht is/ aen en(de) op tvie(re)ndeel [dat] alse den voirs(creven) lod(ewijcke) voirtijts toebehoirt/ heeft en(de) de voirs(creven) henr(ic) mits den voirs(creven) tractate vand(en) selven/ zijne(n) brued(er) gecrege(n) heeft int tderde gedeelte vand(en) huysen/ hove(n) bossche(n) wijngarde(n) mette(n) ande(re)n toebehoirte(n) geheete(n) den/ steenberch inde p(ro)ch(ie) van s(in)[t] pet(er)srode gelege(n) d(air)af de drie/ ande(re) vie(re)ndeele des derdendeels den ande(re)n mede erfg(enamen)/ he(re)n symoens en(de) amelrijcx wile(n) pynnocx gebruede(re)n toebehoe(re)n/ Bekinnen(de) he(m) vand(en) afleggen vand(en) eene(n) pet(er) voirs(creven)/ met volle(n) rinte(n) bijde(n) voirs(creven) zijne(n) brued(er) volcomel(ic) genoech/ gedaen zijnde geloven(de) he(m) noch zijne goede noch/ erfg(enamen) d(air)af ne(m)mermeer ae(n) te spreke(n) te vexe(re)n noch te/ moyen in gheene(n) rechte gheestel(ic) noch weerl(ic) Mair/ van des(er) kenniss(en) voir he(m) en(de) zijn nacomel(ingen) tege(n) eene(n)yeg(ewelke)/ war(ant) te zijne prout geloven(de) voirt de voirs(creven) lod(ewijc) den/ voirs(creven) henr(icke) [sijne(n) brueder hier af] talle(n) tide(n) voird(er) vestich(eit) te doen(e) d(air) en(de) alsoe/ hij dat sal moege(n) bege(re)n oft behoeve(n) cor(am) langr(ode) willem(air)/ maii viii