Acht(er)volgen(de) zeke(re)n t(er)mi(n)acien voirmaels gegeve(n) inden raide vand(er)/ stat tusschen joese van oirbeke voir hen en(de) inden name van/ zijne(n) kinde(re)n op deen zijnde en(de) edewarde cruyplant voir hem selve(n)/ en(de) arnold(e) va(n) kets als execute(ur) vande(n) testame(n)te wile(n) sand(er)s van/ oirbeke t(er) ande(re) Aldair februar(ii) xxiii lestlede(n) uuytgesproke(n) wert/ wie van hen gebreck hadde teghe(n) den ande(re)n inder questie(n) ald(air)/ gheruert dat hij dat volchde als voir dyerste instan(cie) voir meye(r)/ en(de) scepen(en) va(n) loven(e) (et)c(etera) Sijn come(n) inde banck voir meye(r) en(de) scep(enen)/ van loven(e) de voirs(creven) joes met zijne(n) medeplege(re)n als ae(n)legge(re)n ter/ eender zijde(n) en(de) de voirscr(even) edewairt v(er)weerde(r) t(er) ande(re) Ald(air) de/ selve joes inde(n) name van zijne(n) kinde(re)n en(de) de voirs(creven) [wed(uwe)] marisses inde(n)/ name soe zij ageerde dede lesen de voirs(creven) t(er)mi(n)acie en(de) voirt opdoe(nde)/ hoe dat sander wijle(n) van oirbeke tande(re)n tijde(n) ghemaect hadde/ en(de) geordineert in zijne(n) uuyt(er)sten wille den voirs(creven) edewairde zijn goede/ have erve en(de) vliegen(de) erve opde vueghe en(de) condicie(n) dat de selve/ edewart dier gebruycken soude namelijck d(er) erve(n) en(de) vliegen(de) erve/ gelijck een tochte(r) alleene met zijnre weerdynne(n) en(de) oft hij/ wettige gebuerte va(n) huer oft and(er)s hadde dat die der selver/ blive(n) en(de) toecome(n) souden moete(n) Was voirt bijde(n) selve(n) sande(re)n/ claerlijck d(air)inne bevorwert geweest wairt tsake dat de voirs(creven)/ edewairt tegen den selve(n) zijne(n) uuyt(er)sten wille quame dede/ oft yet voirtkeerde in al oft in deele het wa(r)e in die goede te/ belasten te v(er)thie(re)n te v(er)copen oft te v(er)ande(re)n dat hij dan zijns/ legaets berooft soude zijn ende soude dat come(n) opden voirs(creven) joese/ en(de) zijn medeplege(re)n en(de) dat de voirs(creven) edewairt alreede d(air) tege(n)/ grootelijck in diversen passen was gegaen en(de) gedaen hadde/ beyde int v(er)thie(re)n van e(n)nigen vliegen(de) erve(n) en(de) p(ar)ceele(n) van/ erfgoeden oft rinten dese en(de) meer ande(re) pointen p(rese)nteerde hij te/ / bewijsen met levender wairh(eyt) hopen(de) wair hij dat conde/ gedoen dat dan de selve edewairt berooft soude zijn vande(n)/ goeden hem gelijck voe(r) gebleven en(de) gelaten en(de) dat hij die/ soude laten volgen en(de) schuldich wae(r) te laten volgen den/ selve(n) joese en(de) zijne(n) medeplege(re)n hem des getroesten(de) totte(n)/ rechte Dair tegen de voirs(creven) edewairt hem v(er)antweerden(de)/ dede lesen eene t(er)mi(n)acie tusschen hen uuytgesproken s(e)c(un)da/ januarii lestleden d(air)mede alse vanden vliegen(de) erve oft dat/ der natue(re)n vander have(n) volgen soude oft der erflijch(eit) desgelix/ oft edewairt tege(n) dinhoudt vanden testame(n)te gedaen soude/ hebbe(n) beyde p(ar)tien ge(re)mitteert warden t(er) plaetsten dairt behoirt/ Ende dien acht(er)volgen(de) declineerde hij vande(n) gerichte alh(ier)/ seggen(de) dat dese sake [we(re)] exempt van testame(n)te en(de) eene p(ri)ncepalijc/ die behoirde ter ky(n)nissen vanden gheestelijcke(n) gerichte ende/ d(air)af men naden p(ri)vilegien vanden lande dbeslicht neme(n) mochte/ ald(air) en(de) also hier niet en behoirde bekint oft beslicht te zijne/ Oick stont die opde decla(ra)cie en(de) tverstant vanden woirden/ vanden testame(n)te d(air)inne den executue(re)n dbeslicht ende/ dint(er)pretacie vanden duyst(er)nissen d(air)inne vallen(de) bijde(n) testate(ur)/ gelast en(de) geordineert was Ende aldus (con)cludeerde hij en(de)/ sustineerde wantme(n) dit al cleerlijck bevi(n)den soude bijden/ inhoude(n) vanden selve(n) testame(n)te dat die sake schuldich wae(r)/ en(de) behoirde ge(re)mitteert te worde(n) voir de voirs(creven) executue(re)n/ en(de) dat der wet alh(ier) d(air)af gheen voirder ky(n)nisse en behoirde/ hem des getroesten(de) totte(n) rechte D(air)op joes met zijne(n) mede/ plege(re)n replice(re)nde sustineerde(n) de (contra)rie namelijck want ghee(n)/ van beyden p(ar)tien dinhoudt vanden testame(n)te ontkint en/ hadde noch wille(n) invalide(re)n mair dat in alle(n) zijden bekint/ hadde(n) en(de) van weerde(n) geclaert te zijne zoe en behoirde dese/ questie die niet en ruste opde weerde oft onweerde vanden/ testame(n)te niet t(er) ky(n)nissen vand(en) executue(re)n oft elswair dan alh(ier)/ den voirs(creven) edewairde altijt houden(de) de (contra)rie Es gewijst bij scep(enen)/ va(n) loven(e) t(er) manissen smeyers dat de voirs(creven) joes met zijne(n) voirstelle/ alh(ier) v(er)doelt es cor(am) o(mn)ib(us) scab(inis) in sca(m)pno de(m)pto lye(mingh)[en] maii xxviii