Vanden twiste en(de) gescille(n) gevallen tusschen jorijse madee in/ deen zijde en(de) thorien [vacat] in dande(re) om een jonck/ kindeken hen beyden toebehoe(re)nde d(aer) jorijs begheerde en(de) meynde/ dat hem nae recht tselve kindeken sculdich soude zijn te/ volg(en) als vad(er) om dat te houden en(de) te bestaden tot zijnder/ gelieften en(de) tot sijne(n) laste D(aer) af de voirs(creven) thorie de moeder/ sustineerde de contrarie bege(re)nde en(de) vullen(de) dat hue(r) tvoirs(creven)/ kindeke(n) volge(n) mochte ae(n)gesien dat zij moed(er) d(aer)af was/ en(de) d(aer) mede groote(n) last en(de) arbeyt gehadt hadde en(de) was noch/ wel tevreden tselve te houden de voirs(creven) jor(ijs) sustine(re)nde de (contra)rie/ als vo(r)e meynde dat he(m) volge(n) soude en(de) begheerde d(aer)af recht/ Es get(er)mineert bijden rade vand(er) stad dat de voirs(creven) jorijse/ als vad(er) vand(en) voirs(creven) kindeken tselve kindeken volge(n) soude om/ d(aer)mede sijne(n) wille te doen(e) het en wae(re) dat de moed(er) vand(en)/ kindeke(n) den last alleene aenveerde(n) woude sond(er) e(n)nigen last/ des voirs(creven) jorijs in die(n) gevalle soude dat kindeke(n) bijd(er) moed(er) blive(n)/ en(de) anders niet In (con)s(ilio) aug(usti) v