Nae dien dat henrick de naen en(de) gorijs beghints als p(ro)cur(eurs) henr(ix)/ vand(er) varent al(ia)s int hoff met behoirlike(n) rasteme(n)ten gevolcht/ hadde(n) soe zij seyden opde goeden have en(de) erve pauwels wile(n)/ loenkens hier nae bescr(even) Inden yersten op twee bancke(n) gelege(n)/ int vleeschuys tusschen de banc toebehoe(re)nde her pete(re)n de/ beye(re) ter eender zijde(n) ende pete(re)n van thienen ter ande(re) It(em) op/ eene(n) leen erflijc die de voirs(creven) wilen pauwel hadde op jans/ loenkens zijns brueders banc aen tp(er)deken neve(n) gheert meermans/ banc It(em) op seke(re) haeflike goede die wa(r)en ten huyse jans vand(er)/ paelt die den selve(n) wile(n) pauwelse(n) toebehoirden It(em) noch/ op vie(r) ryns guld(en) eens die hubrecht hertshals den voirs(creven) wile(n)/ pauwelse sculdich is van eender banc zoe verre dat dat op/ dleste comen was en(de) alse de voirs(creven) p(er)soene(n) meynden d(air) mede inde/ banc voir meye(re) ende scepen(en) met hue(re)n vervolge voirt te va(r)en ende/ hue(r) gebreke beyde vand(en) eersate(r) vand(en) quetsue(re)n die de voirs(creven) henrick
//
ende henrick vand(en) voirs(creven) wile(n) pauwelse hadde(n) ontfange(n) en(de)/ oic vand(en) bet(er)nissen vand(en) injurie(n) leeme(n) myncken en(de) quetsue(re)n/ die hen d(air) inne wa(r)en gebuert meynde(n) te verhale(n) bij vo(n)nisse/ van scepen(en) Soe is comen jan loekens des voirs(creven) wile(n) pauwels/ brued(er) in rechte met eene(n) beleyde d(air) mede hij tot desselfs/ pauwels zijns brued(er)s goede(n) inde(n) jae(r) van lxxvi decembr(i)/ vii nae des(er) stad recht geleyt was voir tseve(n)tich pet(er)s en(de)/ hond(er)t crone(n) te xxv st(uvers) tstuc eens Welcke hond(er)t crone(n)/ he(m) bekint wa(r)en bij pauwelse en(de) sijnd(er) weerdinne(n) om hem/ d(air) mede te lossen van allen borchtochte(n) die hij voir den selven/ sijne(n) brued(er) hadde gedaen meynen(de) dat hem en(de) sijnen/ beleyde de voirs(creven) goede volgen souden en(de) nieman(de) anders/ ten yerste(n) male om d(air) mede te verhalen de voirs(creven) lxx peters/ en(de) ten ande(re)n male d(air) af genoech sceyden(de) want alst scheen/ dobligacie van dien niet in wesen(e) en was om gelost te werd(en)/ uut sake(n) vand(en) bekinne der voirs(creven) c crone(n) van iiii cron(en) sjaers/ lijfpen(sien) ende dair voe(r) hij te laste stonde p(rese)nte(re)nde zijn gebreck/ te verifice(re)n mit zijnd(er) eet hopen(de) dat he(m) dat sculdich wa(r)e/ te geschien en(de) dat tvervolch der voirs(creven) wed(er)p(ar)tie(n) te nyeute/ en(de) van onweerde(n) zijn soude bij div(er)sen reden(en) die hij int/ lange d(air) toe allig(eer)de Dair tegen de voirs(creven) henr(ick) en(de) gorijs/ sustineerde(n) die (contra)rie en(de) dede(n) segge(n) al mocht soe zijn dat/ de voirs(creven) jan geleyt wa(r)e voir beyde de voirs(creven) obligacie(n) soe/ en soude men niet bevi(n)den dat e(m)mers dobligacie vand(en) lxx pet(er)s/ in wesen(e) wa(r)e Mair als geco(n)tenteert versmolten te voirde(r) om/ datse niet voe(r) ooge(n) en quam en(de) de selve jan die niet en soude/ come(n) gethoene(n) ongecalle ongeca(n)celleert Ende aengaen(de) den/ bekinne van c crone(n) om schadeloos gelost te zijne vanden/ borchtochte(n) (et)c(etera) deden zij segge(n) dat men ind(er) waerh(eit) soude/ bevi(n)den waert dat dese sake d(air) op ruste des neen bijden/ reden(en) nae bescreve(n) dat tande(re)n tiden eene vergaderinge/ tussche(n) pauwelse en(de) janne sijne(n) brued(er) hadde geweest d(air)/ bij hue(re)r beid(er) rekeni(n)gen was bevonden dat pauwels te he(m)weert/ niet voirde(r) en was gehoude(n) dan in achtien leeuwen Mair/ om al af te slaen(e) hoopte(n) de voirs(creven) henr(ick) en(de) gor(ijs) dat de voirs(creven)/ jan die een p(ri)ncipael adherent sijns brued(er)s mede opsett(er) raet/ en(de) behulper metten voirs(creven) pauwelse hadde geweest vand(en)/ beruerte(n) en(de) muyterie(n) die he(m) onlancx in des(er) stad was geport/ den welcke(n) pauwel de voirs(creven) henr(ick) ende henric hen hadde(n) gepijnt
//
te wederstaen en(de) den hee(re) en(de) wethouders assisten(cie) te doen(e) d(air) om/ de voirs(creven) pauwels de voirs(creven) quetsue(re)n hadde gedae(n) dwelc der wet/ en(de) elckerlijc condich was gheenssins abel noch ontfangbaer en wa(r)e/ noch wesen en mochte om e(n)nige eede die he(n) in rechte stade doen/ soude(n) te moege(n) doen bezund(er)t in dese sake want soe trecht/ verfortst en(de) met alle(n) ond(er) den voet was geleecht dat soe/ horribel en(de) quaet wa(r)e alsment conste overdrucken en(de) besund(er)/ crime(n)lese maiestat(is) waer bij en(de) bij meer ande(re)n reden(en) bij hen/ d(air) toe int lange geallig(eer)t sij sustineerde(n) dat namelic van hue(re)r/ bet(er)nissen en(de) betalinge(n) vand(en) eersat(er) dwelc hen om rechts wille/ was geschiet boven vrede en(de) opnemen van ons gened(igen) hee(re)n en(de)/ d(er) stad wege(n) gesciet des voirs(creven) jans beleyt hen gheen p(re)judijs/ drage(n) en sal noch sculd(ich) en is te drage(n) hen des gedragen(de) totten/ rechte Ende alse h(ier) op in beyden zijde(n) ende met div(er)sen reden(en)/ int lange gealtriceert is geweest ende de scepen(en) inder saken/ gemaent zijnde op dese materie lange en(de) rijpelijc hebbe(n) geledt/ en(de) gewege(n) al des ter materien mocht diene(n) hebben zij vo(n)nislijc/ gewesen dat jan loenkens met sijnen beleyde den voirs(creven) henr(icke)/ en(de) gorijse inden name soe hij ag(eer)de niet sculdich en wa(r)e aen/ hue(re)n eysch hinderlijc te sijne cor(am) om(n)ib(us) scab(inis) in sca(m)p(n)[o] dempt(is)/ lye(mingh)[en] willem(air) augusti vi