Opde questie(n) die voir den rade vand(er) stad come(n) sijn tussche(n) arnde de witte/ meye(r) va(n) he(re)nt tege(n) e(n)nige ingeseten(en) sdorps van winxele inde(n) name vand(en)/ selve(n) dorpe van seke(re)n gebreke va(n) soudyen d(er) soudenie(re)n die lestwerf uut(er)/ meyerie(n) van herent uutgesonde(n) hadde(n) geweest die hij eensdeels den/ selve(n) soudenie(re)n hadde betaelt en(de) uut sijne(n) buydel verleet en(de) men insdeels/ den selve(n) noch sculdich was meynen(de) dat de selve van winxele die met/ dien va(n) tieldonc en(de) velthe(m) gewoenlijc wae(re)n te betale(n) tderdel vand(en) laste(n)/ vand(en) geheeld(er) meyerie(n) hem en(de) den selven soudenie(re)n tselve gebrec/ sculdich soude(n) zijn te betale(n) bij alrehande reden(en) dair toe bij hem/ gealligeert Dair tege(n) de selve van winxele sustine(re)nde de/ contrarie meynden dat zij meer betaelt hadden en(de) gecontribueert/ ind(er) selver beden dan hue(r) macht faculteyt rijcdom oft oic de/ gelegenth(eit) van hue(re)n hertsteden gedroech ende dan/ andere onder de selve meyerie geseten hadde(n) gedaen/ met meer ande(re)n reden(en) bij hen int lange voirt ged opgedae(n)/ Es uutgesproken ter p(rese)ncien vand(en) gesellen gebrec hebben(de)/ die dair wae(re)n doen bij comen dat de selve gebreken vand(en)/ dorpen int gemeyne betaelt souden wordden nae de quotacie/ vand(er) lester herttellinge(n) In (con)s(ili)[o] aug(usti) xxvi