Vander questien die inde banck voir meye(r) en(de) scepen(en) va(n) loven(en)/ geport es tusschen m(ar)grieten weduwe jans wile(n) reynier van foul/ t(er) eender zijnden en(de) janne massar al(ia)s de wairna(n)t sone en(de) procur(ator)/ massarts de warna(n)t t(er) ande(re) Aldair de selve weduwe v(er)socht te/ hebbe(n) trenvoy inde banck te glymes vander sake(n) d(air) voe(r) de selve/ marssardt inder hachte(n) te glymes geva(n)gen sadt die welke deselve/ massart als poirte(r) mett(er) stat br(ieven) g(er)ne alh(ier) hadde betoge(n) aengaen(de)/ hond(er)t r(yns) guld(en) eens oft d(er) v(er)onderpandi(n)gen en(de) bewijssenisse(n) va(n)/ vijf mudden core(n)s erfpachts huer aldair bijde(n) voirs(creven) massarde gesciet/ bove(n) dien nochtan dat de selve massart die geloeft hadde ongepoirt(er)t/ en(de) ongevrijt en(de) op zeke(re) banduyne d(er) voirs(creven) weduwe(n) alsoe zij dat/ boodt te bewise(n) en(de) alsoe conclude(re)nde totte(n) voirs(creven) re(n)voye D(air)/ tege(n) de voirs(creven) jan p(ro)cur(ator) bekinnen(de) genoech de voirs(creven) gelofte op/ banduyne en(de) renu(n)cia(ti)[e] vand(en) vrijh(eit) geschiet te zijne Mair/ dede lesen seke(re) brieve va(n) racorde der scepen(en) van yncourt d(air)mede/ de voirs(creven) massart met hem nycole de warnant sijne(n) sone ald(air) he(m) gevord(er)t/ hadde(n) in bevestinge(n) der voirs(creven) v mudd(en) cor(ens) erflijc wat opdrachte(n) te doen(e)/ dair toe de voirs(creven) wed(uwe) niet hue(r) beraet en hadde gegeve(n) die tontfaene/ en(de) alsoe wairt eene quade scult dieme(n) niet betalen en conste en(de) alsoe/ hoopte hij mits desen en(de) meer ande(re)n reden(en) d(air) toe bij he(m) gealligeert/ namelijc dat sijn vad(er) gep(rese)nteert hadde seke(r) zijne erflike goede in yncourt/ geleg(en) in fijne en(de) ter caucie(n) te stelle(n) dat hij naevolgen(de) seke(re)n der/ stad brieve(n) he(m) vand(en) rechte niet en soude ververre(n) dat sijn vad(er)/ ontslage(n) soude werde(n) D(air) op de vors(creven) wed(uwe) sustine(re)nde de (contra)[rie]/ seyde want tprincipael wae(r) geschiet op banduyne die den hee(re)/ aenghinge(n) en(de) mits renu(n)cia(ti)[en] vand(er) vrijdich(eit) ter plaetsen van/ glymes voirs(creven) soe moest dincident dat d(air) uut volchde oft die/ gelofte wae(r) voldae(n) oft niet gepuert worden ter selver plaetsen/ met meer woorde(n) in beyden zijden gealligeert Es gewijst/ bij scepen(en) van loeven(en) ter manissen smeyers gelieft den portere/ bewijssenisse te doen(e) van zijne gelofte voldaen te hebben dat/ hij dat doen sal ter plaetsen dair hij he(m) verlooft heeft cor(am) scab(inis)/ in sca(m)p(n)[o] dempt(is) lye(mingh)[en] roelofs oct(obris) iii