Want willem van leefdale als procur(eur) jans besuts natuerlijcx/ geleyt zijnde nae deser stad recht tot allen den goeden/ have en(de) erve hee(re)n ph(ilip)s van bourg(oign)[en] hee(re) ter horst ridders/ hem oft henr(icke) vand(en) zijpe der stad bode in sijne(n) name met/ brieve(n) vander stad gescreve(n) aen den meye(r) van libbeke oft/ zijne(n) stedehoude(r) hadde doen leve(re)n alle de selve goede te/ sinte pet(er)s rode gelege(n) en(de) dach van rechte doen besceyde(n)/ den voirs(creven) he(re)n ph(ilips)e sijne(n) wynne(n) en(de) ande(re) welcken dach/ alse ten verstreken(en) dage van rechte vand(en) xxii[te(n)] dage/ septe(m)br(is) lestleden op heden diende Dair de voirs(creven) h(er) philips/ noch ande(re) van sijne(n) wegen niet geco(m)pareert en zijn den/ voirs(creven) procur(eur) trecht ernstelijc versueken(de) soe hebben de hee(re)n/ scepen(en) van loeven(e) ter manissen smeyers nae dat hen gebleken/ heeft bij resc(ri)pte anthonijs van wynghe meyers te libbeke/ de voirs(creven) leveringe bij he(n) geschiet te zijne en(de) m(ijn) vrouwen/ vand(er) horst en(de) ja(n)ne van sombeke hue(re)n brued(er) de conde/ gedaen te zijne gewesen voir een vo(n)nisse wair de/ voirs(creven) her ph(ilip)s noch ande(re) van sijne(n) wegen niet en co(m)pareerd(en)/ ten opstaene vand(en) meye(r) en(de) scepen(en) dat men dan den/ voirs(creven) geleydden houden soude inde macht van zijnen/ beleyde soe verre dat noch voir scepen(en) comen is act(um) cor(am)/ scab(inis) in sca(m)p(n)[o] de(m)pt(is) lye(mingh)[en] roelofs oct(obris) viii