SAL7372, Act: V°100.3 (251 of 845)
Search Act
previous | next
Act V°100.3  
Act
Date: 1478-10-10

Transcription

2020-02-28 by xavier delacourt
Vander ae(n)spraken die meester pet(er) bote scolaster gedae(n) heeft op/
andr(ies) bone scrij(n)make(r) van x r(ynsche) g(ulden) die de voirs(creven) andr(ies) den/
voirs(creven) meest(er) pete(re)n geloeft hadde voir goede ma(n)nen te betale(n)/
tot zeke(re)n dage die overleden is soe de voirs(creven) m(eester) pet(er) dat/
p(rese)nteerde te bewise(n) hopen(de) wair hij dat conste gethoene(n) dat/
de selve andr(ies) gehoud(en) soude zij(n) he(m) die schult te betale(n) d(air)tege(n)/
de selve andr(ies) he(m) v(er)antw(er)den(de) niet en ontkinde de voirs(creven) scult/
mair hoepte en(de) meynde dat de selve m(eester) pet(er) sculd(ich) soude zij(n) te/
v(er)clae(re)n wair af die schult bij he(m) geeyscht spruyten(de) q(ua)me eer hij d(air)op/
soude derve(n) antw(er)d(en) Es gewijst gelieft de(n) voirs(creven) andr(ies) naerdere/
tantw(er)d(en) dat hij dat doen mach In sca(m)pno oct(obris) x
ContributorsThe Administrator , Greet Stevens
Moderated byGreet Stevens
Last update: 2016-09-14 by Xavier Delacourt