Want marie sangwijns wed(uwe) jans wilen motten die uut/ crachte van scepen(en) brieve(n) van loeven(en) van deylinge(n) vand(er)/ daet xiiii[c] lxxiiii januar(ii) xxiii heeft en(de) houden(de) is huer/ leefdage lang tweelf mudd(en) corens de sesse tarwe(n) en(de) de/ sesse weyssinc en(de) een sister raepsaets jaerlijcx s(in)[t] andr(iess)[e]/ ap(oste)ls te betalen(e) ende te loeven(en) te leve(re)n Aen en(de) op een/ hoff met huysen hove(n) schue(re)n stallen winnen(de) landen bosschen/ beemden eussele(n) en(de)e ande(re)n toebehoirte(n) gelegen te meylhem/ en(de) dair omtrint ja(n)ne motten der voirs(creven) marien sone in/ deyling(en) gevallen hem oft den bring(er) ons(er) br(ieve) gescr(even) aen den/ meye(r) van meylhem heeft doen leve(re)n alle de voirs(creven) goede mette(n)/ haeflike(n) goeden d(air) op zijnde en(de) den voirs(creven) ja(n)ne motte(n) hue(re)n sone/ zijne(n) wive en(de) reyne(re)n motten desselfs jans oom wynne vand(en)/ voirs(creven) goeden zijne(n) wive kinde(re)n en(de) alle ande(re) hande aende/ voirs(creven) goede hebben(de) dach van rechte bescheyde(n) alh(ier) inde banc/ voir meye(r) en(de) scep(enen) Tot welcken dage noch oic op heden als/ ten verstreken(en) dage van rechte de voirs(creven) p(er)sone(n) noch niemant/ anders comen en zijn der voirs(creven) wed(uw)[en] trecht voirt versueken(de)/ Soe hebben de he(re)n scep(enen) van loev(en) ter manissen smeyers gewesen/ voir een vo(n)nisse nae dat hen behoirlijc gebleken heeft bij rapporte/ tyebauts steenweechs d(er) stad bode de voirs(creven) leveringe en(de) dachbesceydinge/ geschiet te zijne datme(n) de voirs(creven) wed(uw)[en] vand(en) voirs(creven) goeden/ houden sal inde macht van hue(re)n scep(enen) brieve(n) en(de) leveringe(n) voirs(creven)/ alsoe verre alst noch voir scepen(en) come(n) is In sca(m)p(n)[o] p(rese)ntib(us) om(n)ib(us)/ scab(inis) de(m)pto lyeming(en) decembr(is) iii