It(em) geraert du pont soen wilen jans du pont van trouweling(en)/ inden lande van ludick in p(rese)ncia heeft genome(n) en(de) bekint dat/ hij genome(n) heeft van he(re)n janne vand(en) berghe canonick r(e)gulier/ en(de) spijckmeester des godshuys va(n) heyleshem thof desselfs/ godshuys gelegen inden dorpe van pellen mette(n) wynnen(de) la(n)de/ ende bempden gelijck dat hij die gehouden heeft en(de) voe(r) hem/ peter noyens van lijsmeal metter grooter thienden van pellen/ den voirscr(even) godshuyse oick toebehoiren(de) al tsame(n) in pechtinge(n)/ en(de) hueringen te houden(e) en(de) te hebben(e) va(n) half m(er)te lestleden/ eenen t(er)mijn van twelf jae(re)n lanck due(re)nde zonder middel/ deen nae dander volgen(de) Elx jaers d(air)enbynne(n) om vie(re)ntachte(n)tich/ mudden pachts corens mate(n) van thiene(n) goet en(de) payabel en(de)/ va(n)no altoes tsinte andr(ies)misse apostels te betalen(e) en(de) vijftich/ mudde(n) vand(en) voirscr(even) coirne int cloest(er) opden spijcker te leve(re)n/ en(de) dande(re) int voirs(creven) hof te pellen den voirs(creven) t(er)mijn due(re)nde/ quol(ibet) ass(ecutu)[m] It(em) sal de wy(n)ne jairlijx leve(re)n en(de) betale(n) twintich/ mudden soe even(en) soe spelten mate va(n) thiene(n) goet ende/ payabel voir thien mudden cor(en) voirs(creven) in afslage d(er) voirscr(even)/ so(m)men vanden coirne It(em) sal de voirscr(even) wynne jairlijx den/ voirscr(even) termijn due(re)nde betalen den raepsaet dieme(n) sculd(ich)/ es der kerken va(n) pellen op een cleyn hoefke(n) bij tvoirscr(even)/ hof van pellen geleg(en) zonder afslach d(er) voirscr(even) zijnd(er) so(m)men/ It(em) sal de voirscr(even) wynne jairlijx leve(re)n viii[c] walme(re)n en(de)/ tsjaers die v(er)decken op zijne(n) cost en(de) dachue(re)n in nuwe(n) dake/ opde voirscr(even) huysinge des hoefs It(em) es vorweerde dat de/ wy(n)ne jairlijx den voirscr(even) t(er)mijn due(re)nde sculdich sal zij(n) den/ cost te doene vanden werckluden alsmen int voirscr(even) hoff/ te ty(m)me(re)n te mueren(e) te plecken(e) oft te decken(e) sal hebben
//
zoe in nyeuwe(n) wercke oft te wat [te] h(er)maken(e) ende des sal hij/ den afval hebben vanden spaende(re)n It(em) sal de voirs(creven) wy(n)ne/ sculdich zijn te doen hermaken op zijnen cost Wa(r)e wat te/ vorsten(e) oft te plecken(e) dat een man mocht doen in tween/ dagen aende voirscr(even) huysinghe Item sal de voirs(creven) wynne/ alle de lande d(er) voirs(creven) proestien toebehoiren(de) zijne(n) t(er)mijn due(re)nde/ wel wynne(n) en(de) werve(n) gelijck regengenote(n) bove(n) en(de) benede(n)/ en(de) wel meste(n) en(de) die alsoe late(n) in zijne(n) uuytgane Te wete(n)/ de brake wel geackert de stortte eens omgedaen en(de) den wint(er)airt/ wel ende loflijck gewonne(n) geworve(n) en(de) besaeyt van welke(n)/ wynt(er)airt mijn hee(re) dabt vand(en) voirscr(even) godsh(uys) deen helcht/ vander wint(er)vruchte(n) trecken sal ten lesten jae(re) ende de wy(n)ne/ dander helcht It(em) sal de voirscr(even) wynne allet stroe dat vand(en)/ voirscr(even) lande en(de) thienden come(n) sal vue(re)n en(de) bringe(n) int voirscr(even)/ hof en(de) dat in meste beke(re)n en(de) tselve mest opde lande/ vue(re)n tslants meesten prouffijte en(de) n(er)ge(re)ns elders It(em) sal/ de voirscr(even) wynne tsjaers planten xxv poete(n) en(de) die wel v(er)ware(n)/ ende verdoirnen Item sal de voirscr(even) wy(n)ne int uuytgae(n) va(n) zijnre/ getonsten int voirscr(even) hof late(n) twee goede voede(r) hoys voermaets/ It(em) sal m(ijn) hee(re) den wynne voirs(creven) corten va(n) tempeeste en(de) staden/ gelijck de secundarie kerken hue(re)n wy(n)nen en(de) sculdene(re)n doen/ It(em) want de voirscr(even) wy(n)ne in zijne(n) income(n) geleent is vand(en)/ voirscr(even) he(re)n thien mudden cor(ens) tienscher mate(n) eens en(de) xxv/ guld(en) pet(er)s Soe es vorweerde dat de voirs(creven) wy(n)ne dat/ voirs(creven) coren en(de) gelt wed(er)om betale(n) sal in uuytgae(n) zijnre/ getonste It(em) sal de voirs(creven) wy(n)ne tsjaers afreken(en) een mudde/ corens voirscr(even) vand(en) voirs(creven) so(m)men als voe(r) eene(n) rock die hij/ tsjaers hebbe(n) soude va(n) m(ijn) he(re) den abt voirs(creven) It(em) Ende alle/ dese vorw(er)d(en) h(ier)af zijn borgen svoirs(creven) wy(n)nen als p(ri)ncipale/ sculde(re)n ind(ivisim) henr(ic) zone wilen massart del laite(re)? va(n) mares/ en(de) gielijs mascure sone wile(n) giel(ijse) va(n) racourt Te weten(e)/ dat de voirs(creven) borge(n) stae(n) sele(n) de(n) voirs(creven) t(er)mij(n) due(re)nde voe(r) alle/ de (con)d(icien) voirg(eruert) en(de) oick va(n) jae(re) te jae(re) voir eene(n) jairpacht va(n)d(en)/ voirscr(even) goeden en(de) niet voirde(r) Et colon(us) p(ro)misit p(re)dictos/ fideiussores inde(m)pnes releva(r)e de sing(ulis) p(re)dict(is) cor(am)/ tybe willem(air) januar(ii) xxix