SAL7372, Act: V°319.3-R°320.1 (687 of 845)
Search Act
previous | next
Act V°319.3-R°320.1  
Act
Date: 1479-04-19

Transcription

2020-03-18 by xavier delacourt
It(em) mychiel van surple sone wile(n) henr(ix) woenen(de) te/
miskem in p(rese)ncia heeft gehuert en(de) bekint dat hij gehuert/
heeft tege(n) janne van baussele die weye mette(n) oofte vand(en)/
hove van bouchout te miskem geleg(en) tussche(n) de velpe den/
langhe(n) wouwe(re) claes vand(en) huysbeemt en(de) de molestrate/
Te houden te hebben en(de) te besitten van halfmerte naestcomen(de)/
eene(n) t(er)mijn van xii jae(re)n lang vervolgen(de) Elcx jaers/
dae(re)nbinne(n) om en(de) voe(r) tweentwintich ryns guld(en) te/
tsestich pl(a)c(ken) tstuc behalve(n) dat hij ten yerste vier jae(re)n/
elcx jaers mair xxi(½) r(yns) gul(den) betalen en sal jaerlicx half/
s(in)[te] remeysmisse en(de) half te kersmisse te betalen den/
voirs(creven) janne den voirs(creven) t(er)mijn due(re)nde q(uo)l(ibet) ass(ecutu)[m] Met/
condicie(n) dat de voirs(creven) mychiel de voirs(creven) weye van hue(re)n/
dijken grechte(n) ryolen ende ande(re)n vreden sculdich sal/
zijn al op sijne(n) cost te bevreden ende tonderhoude(n) in/
redeliker wijs e(m)mer niet arger dan hijse tsijne(n) ae(n)veerde(n)/
en bevint mair alt(ijt)? liever beter ende alsoe te late(n) tot
//
sijne(n) afsceyde(n) des soe sal hij moege(n) houwe(n) alle tijtverdige/
en(de) behoirlike lueke op de voirs(creven) weye wassen(de) binne(n) sijne(n)/
t(er)mijne en(de) anders en sal hij dair niet moege(n) houwe(n) ten/
wae(re)n verdroechde boeme(n) die hij voir den afhouwe(n) den/
voirs(creven) ja(n)ne soude moete(n) hebben gethoent ende dat hijs/
te vrede(n) wa(r)e dat die verdroecht wae(re)n en(de) dan soude/
hijse moege(n) afhouwe(n) bij alsoe nochtan dat hij in die/
stad twee leven(de) pote(n) vand(en) selve(n) arde weder stellen/
sal moete(n) en(de) die alsoe verdorne(n) en(de) verware(n) datter de/
beesten gheen schade aen en doen It(em) is vorweerde dat/
de voirs(creven) jan den ronden wouwe(re) soe neder houden sal/
oft doen houden van wate(r) dat dwater vand(en) beemden/
dair inne sal moege(n) afloope(n) Oick is vorweerde oft/
geviele datme(n) de velpe gebode te vaghen of dat de/
dijken tege(n) de selve velpe bij ongevalle van overtuldige(n)/
wate(r) uutbrake dat jan die tsijnd(er) cost soude moete(n) doen/
repare(re)n het en wa(r)e datmen die op eene(n) dach met twee/
werclieden mogelic mocht doen repare(re)n In dien gevalle/
soude jan des noch ongelast blive(n) ende mychiel soude/
die tsijnd(er) last moete(n) doen repare(re)n It(em) de voirs(creven) jan heeft/
uut des(en) huere(n) behoude(n) de wouwe(re)n met hue(re)n toebehoirte(n)/
omtrint en(de) inde voirs(creven) weye liggen(de) tot sijne(n) p(ro)ffite En(de)/
dese vorweerde(n) Inde est fideiuss(or) mych(aelis) p(re)d(icti) wil(he)lmus/
de leefdale que(m) p(ro)misit indemp(nem) releva(r)e cor(am) roelants/
berghe(n) ap(ri)lis xix
ContributorsGreet Stevens , Mi-Je Van Gils
Moderated byGreet Stevens
Last update: 2016-09-21 by Xavier Delacourt