Want jacop vand(er) eycken als geleyt nae deser stad recht/ uut crachte van scepen(en) brieve(n) van loeven(en) voir zijn wettich/ gebreck tot allen den goede(n) have en(de) erve jans en(de) claes/ wile(n) de heymo(n)niez gebruede(re)n soe waer die gelege(n) zijn/ metter stad brieve(n) gescr(even) aen den meye(r) van jauchelet he(m)/ oft den bring(er) der selver brieve(n) heeft doen leve(re)n alle/ de voirs(creven) goede en(de) den weduwe(n) en(de) kinde(re)n der voirs(creven)/ gebruede(re)n dach van rechte doen beteeken(en) oft zij hen tege(n)/ de voirs(creven) leveringe en(de) execucie hadden willen oppone(re)n Tot/ welcken dage noch oic op heden als ten verstreken(en) dage/ van rechte de voirs(creven) p(er)sone(n) noch niemant van hue(re)n wege(n)/ he(n) rechtsweert maken(de) come(n) en is den voirs(creven) geleydden/ trecht voirt versueken(de) Soe hebben de hee(re)n scepen(en)/ van loeven(en) ter manissen smeyers gewesen voir een vo(n)nisse/ nae dat hen behoirlijc gebleken heeft bij rapporte tyebouts/ steenweechs des(er) stad bode de voirs(creven) leveri(n)ge en(de) dachbesceydinge/ geschiet te zijne datmen den voirs(creven) geleydde(n) houden sal/ inde possess(i)[e] der voirs(creven) goeden soe verre het noch voir/ scepen(en) come(n) is cor(am) om(n)ib(us) scab(inis) dempt(is) roelants lyemi(n)g(en)/ sept(embris) xxvi