SAL7372, Akte: V°119.1 (303 van 844)
Akte V°119.1
Act
Datum: 1478-11-04
Transcriptie
2018-11-04 door xavier delacourtOp heden inden volle(n) rade vander stat nae goede/
delibe(r)acie en(de) informacie genome(n) vande(n) wethoude(re)n die/
ware(n) int jair xiiii[c] lxxiii Es overdrage(n) en(de) get(er)mineert/
ten ernstige(n) en(de) menichfuldige(n) v(er)volge van hubrechte/
de ruyssche der stat diene(r) dat de stat betale(n) sal en(de)/
dragen den last va(n) dien vijfen(de)vijftich r(ynsch) g(ulden) te lx/
pl(a)c(ken) en(de) xviii pl(a)c(ken) eens die meester jacop muet als/
d(air)toe geco(m)mitteert va(n) ons gened(ichs) he(re)n wege(n) over langhe/
wile den voirscr(even) hubr(echten) gheeyscht heeft uuyt
condempnacie(n) en(de) wijsdo(m)me vande(n) p(ar)leme(n)te wile(n) inder/
stat va(n) mechele(n) liggen(de) en(de) dair voe(r) de selve meester/
jacob den selve(n) hubr(echten) en(de) met mandeme(n)ten van bove(n)/
heeft willen exeque(re)n spruytende uuyt amenden die/
de selve hubr(echt) bij wijsdo(m)me vande(n) selve(n) p(ar)leme(n)te heeft/
moete(n) doen vand(en) v(er)cortinge(n) die hij begaen soude hebbe(n)/
aen m(eester) arnden vand(er) beke raet ons gened(ichs) he(re)n voirmaels/
co(m)missar(is) desselfs ons gened(ichs) he(re)n doe(n) wesen(de) in eene/
sake aengaen(de) der weduwen wout(er)s wilen pynnock/
jacoppe cruyplant en(de) ph(ilip)s vande(n) nuwe(n)hove(n) doende/
eene execucie oft bootscap die de stad den selven/
hubr(echten) bevole(n) hadde om dat bevonde(n) es dat de/
selve hubr(echt) niet meer en hadde gedaen dan he(m) in/
bevele was gegeve(n) pronu(n)ciat(um) in pleno consilio/
nove(m)br(is) iiii
Nagekeken door: Greet Stevens
Moderator: Greet Stevens
Laatste update:: 2016-09-14 door Xavier Delacourt