It(em) reyne(re) oliviers van sint truyden heeft gelooft hee(re)n/ lodewijke pynnock ridder hee(re) tot velpen ende meye(r) van/ loeven(en) dat soe wa(n)neer den selve(n) h(er) lodewijke gelieven/ sal ja(n)ne buelens oic van s(in)[t] trude(n) die nu tertijt in hachten/ is oft gepraemt inde(n) voirs(creven) dorpe van velpen wed(er)o(m)me te/ hebben binne(n) sijnder hachte(n) heerlich(eit) den selve(n) ja(n)ne talle(n)/ tiden alst h(er) lodewijke voirs(creven) gelieve(n) sal oft dat hij d(air) toe/ bij willem(me) van ru(m)men(en) vermaent wort leve(re)n sal in state/ alsoe hij nu is binne(n) der heerlich(eit) des voirs(creven) her lod(ewijx) oft dat hij/ selve den voirs(creven) h(er) lodewijke innestae(n) sal en(de) voldoe(n) tot/ desselfs h(er) lod(ewijx) manissen va(n) allet gene des de voirs(creven) jan tot/ desen dage toe mesdae(n) heeft d(air)af hij bij p(ar)tien verwonnen/ is Al waert oit soe dat de voirs(creven) jan die nu wechveerdich/ is bute(n) lants om seke(re) wege(n) en(de) bet(er)nissen die hij den voirs(creven)/ p(ar)tien doen moet dair hij met vo(n)nisse inne gedoemt is acht(er)/ bleve Behalve(n) dat de voirs(creven) h(er) lodewijc gheene mani(n)ghe/ doen en sal noch doen doen opden voirs(creven) ja(n)ne voir dier tijt/ toe dat hij binne(n) der stad van s(in)[t] truden geweest sal sijn en(de)/ de vriende vand(en) voirs(creven) ja(n)ne buelens met hem sullen overcome(n)/ zijn op dat zij conne(n) Dwelc de voirs(creven) h(er) lodewijc alsoe/ geco(n)senteert heeft te acht(er)volge(n) en(de) des voirs(creven) is op hope/ van peyse alsoe tot dier tijt uugesedt en(de) den selve(n) ja(n)ne/ met desen dien tijt due(re)nde gegeven vast en(de) volcome(n) geleye/ te gane kee(re)n ende te hanteren binne(n) ende dore zijne/ voirs(creven) heerlich(eit) van velpen cor(am) roelofs berghen nove(m)br(is) xxvii