Vand(en) questie(n) en(de) geschillen die sijn tussche(n) janne schoenens als/ geleyt totte(n) goeden h(er)mans wynckens geheete(n) vand(er) ramen
//
en(de) hermans sijns soens en(de) opde selve goede gevolcht heeft met/ rechte ter eend(er) zijden en(de) pete(re)n van hoelst behuwede sone svoirs(creven)/ hermans des vaders en(de) swag(er) des voirs(creven) hermans des soens om/ seke(re) div(er)se costen en(de) lasten van beleyde levering(en) ende ande(re)n/ die de voirs(creven) jan schoenens soe hij seecht geleden heeft int/ vervolch opde voirs(creven) goede vand(en) vader en(de) sone en(de) des d(air)/ aen cleeft d(air) af hij richtinge begheert en(de) inde welcke/ soe de selve jan die eyscht de voirs(creven) vad(er) en(de) sone noch hue(r)/ goede nae recht niet gehouden en zijn soe de voirs(creven) pet(er)/ meynt Hebben hen de voirs(creven) p(ar)tie(n) gesubmitteert en(de) verbonde(n)/ in segge(re)n en(de) vriendelike yffene(re)n te weten(e) de voirs(creven) jan in/ henr(icke) vasont en(de) de voirs(creven) peter in henr(icke) hanckaert secretar(is) der/ stad van loeven(en) in sulcker wijs dat de voirs(creven) segge(re)n overneme(n)/ sulle(n) de scriftue(re)n vand(en) selven costen en(de) dwederlegge(n) en(de) de/ diminucie(n) replik(en) en(de) duplike(n) d(air) op gedaen en(de) overgeg(even) en(de)/ die visite(re)n en(de) hue(r) uutsprake d(air) af eendrechtelijc doen binne(n)/ xiiii nachte(n) naestcomen(de) En(de) oft zij van e(n)nigen pointe(n) oft ar(tieke)[len]/ niet en conste(n) veraccorde(re)n sullen zij in dien gevalle die/ bringe(n) bijder stad om d(air)af te hebben dbeslicht nae recht P(ro)mitt(entes)/ rat(um) cor(am) tybe willem(air) dece(m)br(is) xi