Met vorweerden oftmen bevonde binne(n) eene(n) halve(n) jare/ tijts datter meer oft min uute(n) voirs(creven) goeden ghinge dan/ de voirs(creven) twintich stuv(er)s erflijc dat dat meer de voirs(creven) katlijne/ den voirs(creven) reyne(re) cottens oplegge(n) soude elcken d(enier) van dien/ te xvi gelike(n) d(enieren) ende ofter min uutghinge dat soude reyne(r)/ huer oic alsoe moete(n) oplegge(n) en(de) d(air)mede soude sij in dien/ gestae(n) der voirs(creven) waerscap indien niet tegenstaen(de) It(em) alle/ die hue(r) die gevallen is vand(en) voirs(creven) goeden tot noch toe/ sal der voirs(creven) kat(lij)[ne(n)] volgen ende sij sal drage(n) alle co(m)me(re)n/ die tot noch toe d(air)af gevallen moege(n) sijn en(de) wes d(air)/ af voirtane vallen sal dat sal reyne(r) drage(n) Oick sal/ katlijne(n) volge(n) de eycke staen(de) op tvoirs(creven) yerste stuck te weten(e)/ op tdach(mael) beemps eisd(em)