Vanden v(er)sueke dat joes va(n) oirbeke met e(n)nigen zijne(n) kinde(re)n en(de)/ katlijne(n) batens wed(uwe) henr(ix) wile(n) marisses gedaen heeft op/ edewairde cruypelant en(de) arnold(e) va(n) kets om te hebbe(n) toeganck/ va(n) zeke(re)n br(ieven) bijden voirscr(even) arnold(e) met zijne(n) medeplege(re)n/ executue(re)n vande(n) testame(n)te sanders wilen van oirbeke ond(er)/ scepen(en) opde yerste came(r) geset en(de) te wete(n) oft die d(air) al ware(n)/ en(de) oftse d(air) stonden na forme en(de) tenue(r) vande(n) testame(n)te des/ voirscr(even) sanders Dwelck he(m) alnoch soe hij seyde niet en wae(r)/ gebuert nochta(n) dat alrede meer dan twee jair ware(n) geled(en) dat/ de voirscr(even) sander aflivich wae(r) geweest in g(ro)ten hinde(r) ende/ p(re)judice van hem en(de) zijne(n) kinde(re)n en(de) oick d(er) voirscr(even) katlijne(n) die/ d(air)inne g(ro)telijck wae(re)n gheint(er)essert nae uuytwise(n) vanden selven/ testamente en(de) zeke(re)n clausele(n) d(air)inne begrepe(n) bijde(n) welke(n) hij/ hoept dat dat sculdich wa(r)e te geschien en(de) die ald(air) te blive(n) tot/ elx rechte te voirde(r) oick want jan va(n) beert mede execute(u)[r] d(air)inne/ zijn consent hadde gedrage(n) dat dat geschiedde Ten ande(re)n male/ dat hem visitacie mocht gebue(re)n va(n) alle(n) den vliegen(de) erve bij
//
sande(re)n voirscr(even) acht(er)gelate(n) en(de) onder den voirscr(even) edewarde berusten(de)/ d(air)af inve(n)tar(is) was om te wete(n) oft die dair noch in wese(n) wa(r)e/ want hij meynde te bewijse(n) dat e(n)nighe va(n) dien bijde(n) voirs(creven)/ edewaerde contrarie den testame(n)te alreede wae(re)n v(er)cocht oft/ verhandelt en(de) oft dan die aldair alsoe niet en worde(n)/ bevonde(n) dat dan de selve edewairt worde bedwonghe(n)/ die te v(er)borge(n) op dat alsoe oick zijn kinde(re) en(de) de voirs(creven)/ kath(ar)ine die d(air) oick toe g(ro)telijck mids den voirs(creven) testame(n)te/ gheint(er)esseert zijn worden besorcht va(n) hue(re)n rechte dat zij/ dair toe soude(n) moeghe(n) meyne(n) te hebbe(n) Ten derden male/ hadde de voirscr(even) edewairt gedae(n) in vele passen (contra)rie vand(en)/ testame(n)te bij v(er)cope(n) va(n) goede(n) en(de) and(er)ssins bijde(n) welke(n) hij/ nae forme vande(n) selve(n) zijns legaets soude zijn berooft met/ meer woirde(n) bij he(m) int langhe opgedae(n) Dair teghen de/ voirscr(even) edewairt en(de) arnold[(us)] he(n) v(er)antweerden(de) op dyerste/ point p(rese)nteerde(n) joese de visitacie te late(n) hebbe(n) vand(en)/ brieve(n) en(de) den slotel ond(er) e(n)nighe vanden secretar(issen) dairt/ d(er) stat gheliefde te stelle(n) Ende op dander point sustineerde/ edewairt dat joes kinde(re) en(de) katlijne int vliegen(de) erve/ egheenssins sculdich en zijn ghericht te zijne mair dat/ die sculdich was te volghe(n) der have(n) en(de) niet d(er) vliegen(de)[den] erve/ en(de) van dien ende insgelijx va(n) tegen dinhout vande(n) testame(n)te/ gedae(n) te hebbe(n) en(de) dat hij soe zijns legaets soude zijn/ berooft d(air)af en behoirde dbeslicht niet alh(ier) voe(r) der stat rade/ Conclude(re)nde alsoe vanden v(er)sueke in dien gedae(n) ongehoude(n) te/ zijne Es geappointeert dat navolgen(de) edewarts p(rese)ntacien de br(ieven)/ voirscr(even) blive(n) sulle(n) onder de wet en(de) de slotele onder de/ secretar(issen) totte(n) rechte en(de) alse vande(n) vliegen(de) erve weder dat/ schuldich sal zijn te volghe(n) der natue(re)n vander have(n) oft der/ erflijch(eit) Desgelijx oft edewairt teghen dinhoudt vanden/ testamente gedae(n) soude hebbe(n) d(air)af zij beyde p(ar)tie(n) ge(re)mitteert t(er)/ plaetsen dair behoirt In consilio op(idi) lovanien(sis) januar(ii)/ secunda