Ter begheerte(n) ende uut versuecke qui(n)tens couckeroul en(de) om/ der waerheyt getuyge te geve(n) van des nae bescr(even) steet heeft/ henr(ic) hanckart secretar(is) geclaert bij sijne(n) eede dat he(m) kenlijc is/ en(de) wael voerstont dat de voirs(creven) qui(n)ten he(m) in handen gaf en(de) hij/ van he(m) ontfinc in jaersavonde lestleden sijne(n) silve(re)n segel om d(air)mede/ te besegele(n) drie brieve die de selve qui(n)ten om te luydic te seynden/ dede scrive(n) en(de) dat de selve henr(ic) hem dien segel weder overgaf/ des sat(er)daichs ande(re)n daechs nae jaersdach voirs(creven) aen de hoendermerct/ En(de) de selve qui(n)ten heeft dair oic geclaert bij eede he(m) gestaeft/ bij marcke(n) crauwel vorste(r) dat hij dien segel alsoe den selve(n)/ henr(icke) in handen gaf en(de) dien wed(er) van hem gelijc vo(r)e ontfange(n)/ heeft en(de) dat hij die nu tuycht dien ter selver tijt oft zee(r) corts d(air)nae/ en(de) tot noch toe niet meer en heeft gesien conne(n) gevinde(n) noch en/ weet wair dien bleven oft gevaren is En(de) alsoe heeft hem de/ selve qui(n)ten des selfs segels en(de) alles sgheens dat d(air)mede zeder/ den selve(n) tijt dat he(m) dien gelijc vo(r)e ongereet is is gewordden/ besegelt soude moege(n) sijn gansselijc en(de) geheelijc afgedrage(n) claren(de)/ dat dat ofter yet af wa(r)e sijns ondancx en(de) bute(n) sijne(n) weten(e) wille/ en(de) (con)sente soude sijn cor(am) hanck(art) sub(stitu)[to] roelofs willemaer scab(inis) januar(ii) xvi