Item arnt hoze sone wijlen wout(er)s en(de) wouter hoze zijn/ zone in p(rese)ncia hebbe(n) genome(n) en(de) bekint dat zij genome(n) hebbe(n)/ va(n) he(re)n ja(n)ne van langrode admi(ni)strateur (et)c(etera) de porceele(n) va(n)/ landen en(de) bempden h(ier)nae bescr(even) yerst een stuck lants houden(de)/ vijf zillen oft d(air)omtrint gelege(n) opde(n) zoerbemsche(n) couthe(r)/ tussche(n) den hulst en(de) de goede couwens It(em) een boend(er) lants/ oft d(air)omtrint alsoet geleg(en) es inden hulst tussche(n) m(ijn) he(re)/ va(n) moncheal en(de) den couthe(r) voirs(creven) It(em) een plecke dwelc/ zoe lant zoe bempt te zijne plach gelege(n) opde dietsbeke/ tussche(n) de goede des voirs(creven) arnts en(de) jans bekarts goede Item/ en(de) noch een plecke bemps geheete(n) de drie dach(mael) gelege(n) opde(n)/ wolfvonde(r) tussche(n) de goede sinter vive(n) va(n) lynthe(r) t(er) eend(er)/ en(de) daneele va(n) sintruyden t(er) ande(re) alsoe v(er)re des voirscr(even)/ arnts voirseten de voirs(creven) vier p(ar)cele(n) voirmaels en(de) niet/ voirde(r) gehouden hebbe(n) vand(en) voirs(creven) godsh(uyse) va(n) vlierbeke/ Te hebben en(de) te wynne(n) va(n) halfm(er)te naestcomen(de) eene(n) t(er)mij(n)/ van acht jae(re)n lanck v(er)volgen(de) Elx jaers d(air)enbynne(n) om en(de) voe(r)/ acht rinssche gulden(en) te lx pl(a)c(ken) tstuck deen helcht d(air)af ts(in)t/ jansmesse baptiste(n) en(de) dander helcht te kersmesse te betale(n)/ den voirs(creven) godsh(uyse) den voirs(creven) t(er)mijn due(re)nde quol(ibet) ass(ecutu)[m]/ Item sal de voirs(creven) wynne bove(n) des voirs(creven) es tsijne(n) laste/ dragen en(de) betale(n) de co(m)me(re)n en(de) lasten uuyten voirs(creven) goede(n)/ jairlijx gaende zoe in tijts dat tgodshuys voirs(creven) aende/ selve goede d(air)bij niet beschadicht en zij It(em) es vorw(er)de/ dat de voirscr(even) wynne trunchout opde voirs(creven) goede staen(de)/ sal hebbe(n) alsoe v(er)re dat ten hafteele gegae(n) heeft zond(er)/ dat hij e(n)nige eycken sal moege(n) houwe(n) It(em) sal de voirscr(even)/ wynne de voirs(creven) goede zijne(n) t(er)mijn due(re)nde wynne(n) w(er)ve(n) meste(n)/ en(de) houde(n) wel en(de) loflijck gelijck reengegn(oten) bove(n) en(de) beneden/ ende die tsijne(n) afscheyde(n) laten te wete(n) tvoirs(creven) lant inden/ hulst gelege(n) stortte en(de) de v zillen inden couthe(r) brake It(em) es/ vorw(er)de dat de voirscr(even) wynne alle jae(re) bynne(n) den voirscr(even)/ t(er)mijne ten behoirlijcken tijde setten en(de) plante(n) sal te zijnen/ laste xii alboeme(n) pote(n) opde voirs(creven) bempde en(de) die verdoirnen/ en(de) die wel en(de) loflijck houde(n) alsoe dat de beeste(n) d(air)aen gheen
//
schade doen en sele(n) die hij sal moege(n) slene(n) vand(en) boome(n) die/ tvoirscr(creven) godshuys opde voirs(creven) goede heeft staen(de) alsoe v(er)re hij/ die dairop sal wete(n) oft conne(n) bevi(n)den zonder aende selve/ boome(n) e(n)nige schade te doen(e) Met vorw(er)d(en) oft e(n)nige boome(n)/ alsoe gesleent v(er)droechde(n) mids dien dat zij te zee(r) oft buyte(n)/ tijts gesleent w(er)den dat de voirs(creven) wy(n)ne de schade d(air)af den/ voirscr(even) godsh(uyse) oprichte(n) sal ten p(ri)se van goeden ma(n)nen hen des/ verstaen(de) ende ofter e(n)nige va(n) dese(n) poote(n) bynne(n) den voirscreven(en)/ t(er)mijne verdroechde(n) die sal de wynne hebbe(n) en(de) d(air)voe(r) sette(n)/ twee poote(n) en(de) die wel v(e)doernen en(de) v(er)ware(n) soe voirs(creven) es/ It(em) es vorweerde dat de voirscr(even) wynne gheen opgaen(de) hout/ en sal moege(n) truncken It(em) es vorweerde dat de wy(n)ne de/ grechte(n) om ende aende bossche(n) des voirs(creven) godsh(uys) liggen(de) als/ die bijde(n) godshuyse gemaect sulle(n) zij(n) houde(n) sal en(de) v(er)make(n)/ alsoe dat tgodsh(uys) d(air)bij gheen scade en lijde cor(am) berghen/ langrode januar(ii) xxviii