It(em) jan de greve meye(r) van leeuwe heeft geloeft joh(ann)ese/ vander hofstat te voldoene bynne(n) xiiii nachte(n) naestcomen(de)/ tgewijsde en(de) vo(n)nisse d(er) scepen(en) van loven(en) op ghiste(re)n tussce(n)/ den selve(n) janne de greve t(er) eender zijden en(de) jannese/ vander hofstat t(er) ande(re) inde banck voir meye(r) en(de) scep(enen)/ van loven(en) gewesen in alle d(er) mate(n) soe dat luyt en(de) te/ betale(n) de costen va(n) rechte inder sake(n) bijden selve(n) vand(en)/ hofstat geleden Consente(re)nde de selve greve dat de taxacie/ van dien bijden rade van des(er) stat geschiede behalve(n) hem/ dairop zijnder diminucien oft dat hij bynne(n) den selve(n) xiiii/ nachte(n) wed(er) inder vroente(n) come(n) sal d(air) hij nu es en(de) van/ dair niet scheyde(n) hij en hebbe voldaen tgewijsde metten/ costen van rechte Ende hierop sal de selve greve/ uuyter vroente(n) dair hij inne es geslaect zijn en(de) ghelaten/ worden behalve(n) dat hij zijne(n) weert cuele Ende voir/ tvoldoen vand(en) voirs(creven) vo(n)nisse bynne(n) den voirs(creven) xiiii nachte(n) en(de)/ costen als die getaxeert sulle(n) zijn oft dat de voirs(creven) greve/ ten mi(n)sten bynne(n) den selve(n) xiiii nachte(n) wed(er) inder voirs(creven)/ vroente(n) come(n) sal is borge svoirs(crevene) jans de greve als/ principael jan vander borch quem ip(s)e joh(annes) greve p(ro)misit/ indemp(nem) r(e)leva(r)e cor(am) roelants roelofs febr(uarii) vii