It(em) gheert boesman sone wout(er)s in p(rese)ncia heeft genome(n) en(de)/ bekint dat hij genome(n) heeft tege(n) mychiele van ha(n)nut drie/ en(de) een half boende(re)n lants gelege(n) te nodebaix Te houden te/ hebben en(de) te wynne(n) van halfmeye int jaer lxxvii lestlede(n)/ eene(n) t(er)mijn van nege(n) jae(re)n lang deen nae dander sonder/ middel vervolgen(de) Elcx jaers dae(re)nbinne(n) om ende voe(r)/ deen helicht van allen den vruchte(n) die jaerl(ijx) opde voirs(creven) goede(n)/ wassen sulle(n) welcke vruchte(n) de voirs(creven) wynne sal binde(n)/ als die af sulle(n) zijn en(de) dan sullen de voirs(creven) mych(iel)/ en(de) wynne die half en(de) half deylen en(de) gedeylt zijnde/ sal de voirs(creven) wynne des voirs(creven) mych(iele) helicht moete(n) vue(re)n/ in eene schuere binne(n) den dorpe va(n) nodebaix d(air) mych(iel) he(m)/ die bewijsen sal en(de) als mych(iele) vruchte(n) gedorsschen sulle(n)/ sijn [sal] de voirs(creven) wynne mych(iele) die te loeven(e) moete(n) leve(re)n/ dair he(m) dat gelieft Des sal de voirs(creven) wynne hebbe(n) caf/ en(de) stroe dat d(air) af come(n) sal It(em) is vorweerde dat de voirs(creven)/ wynne de voirs(creven) goede den voirs(creven) t(er)mijn due(re)nde houden wynne(n)/ en(de) werve(n) sal wel en(de) loflijc gelijc reeng(enoten) bove(n) en(de) benede(n)/ En(de) sal de selve lande binne(n) den voirs(creven) t(er)mijne eens moete(n)/ ov(er)mergele(n) en(de) eens ov(er)mesten wel en(de) loflijc D(air) voe(r)/ de voirs(creven) mych(iel) den voirs(creven) wynne betaelt [heeft] bij hande(n) he(re)n/ jans van nodebeke priesters opt gene des hij mych(iele) sculd(ich)/ is and(er)half mudde corens welc i(½) mudd(e) de voirs(creven) mych(iel)/ den voirs(creven) h(er) ja(n)ne gelooft heeft te cortte(n) It(em) sal de voirs(creven)/ wynne de voirs(creven) lande late(n) te sijne(n) afsceyden alsoe hij/ die ae(n)veerde ongeackert en(de) ongewracht behalve(n) een/ half boend(er) gelege(n) bove(n) de valleye del mer Dat sal hij/ moete(n) eens acke(re)n It(em) sal de voirs(creven) wynne den voirs(creven) mych(iele)/ tot sijne(n) afsceyde(n) en(de) leste(n) jae(r)n moete(n) leve(re)n xlvii schoeve/ even(en) stroes en(de) xx schoeve rogge(n) stroes En(de) alle dese/ vorweerd(en) (et)c(etera) tybe wilemaer febr(uarii) xi