Want willem van leefdale als p(ro)cur(eur) hee(re)n jans peeders priesters/ en(de) der ande(re) erfgename(n) jans wilen de pryke(re) ende sijnder/ weerdinne(n) die uut crachte van scepen(en) br(ieve) van loeven(e) vander/daet houden(de) ende heffen(de) zijn jaerlijcx en(de) erflijc half opden/ iiii[den] dach van april en(de) half opden iiii[en] dach octobr(is) thien/ rijders erflijc op de goede en(de) onderpande onder desen vo(n)nisse/ gespecificeert wile(n) toebehoeren(de) lambrechte wilen va(n) wynghe/ he(m) met brieve(n) van des(er) stad brieve(n) gescreve(n) aen den meyere/ van halen oft zijne(n) stedehoude(r) te wynghe oft den bringe(r) vand(en)/ selve(n) brieve(n) in zijne(n) name heeft doen leve(re)n de voirs(creven) goede en(de)/ onderpande [metten vruchten d(air) op wesen(de) den p(ro)prietar(is) vand(en) gronde][toebehoerende] en(de) anth(onijse) van redinge(n) en(de) den wynne(n) der voirs(creven) goede(n)/ dach va(n) rechte doen bescheyde(n) oft zij hen tege(n) de voirs(creven) levering(en)/ hadden wille(n) oppone(re)n Tot welcken dage de voirs(creven) p(er)sone(n)/ noch niemant van hue(re)n wege(n) comen en zijn den voirs(creven) willem(me)/ trecht voirt versueken(en) Soe hebben de hee(re)n scepen(en) van loeven(e)/ ter manissen smeyers gewesen voir een vo(n)nisse nae dat hen
//
behoirlijc gebleken heeft bij resc(ri)pte willems van ophem geheete(n)/ meester jans stedehouders des meyers van halen tot wynghe de/ voirs(creven) leveringe en(de) dachbesceydinge geschiet te sijne aen den/ p(er)soen des voirs(creven) anth(onijs) datme(n) den w voirs(creven) willem(me) inde(n) name/ als vo(r)e vand(en) voirs(creven) goede(n) en(de) onderpanden houden sal inde/ macht van hue(re)n scepen(en) br(ieven) en(de) levering(en) alsoe verre alst/ noch voir scepen(en) come(n) is In sca(m)p(n)[o] m(ar)cii xiii Dit zijn de goede d(air) af bove(n) geruert wort/ Inde(n) yersten xvi boende(re)n wynnents lants en(de) ii boende(re)n/ bosch gelege(n) in eene(n) stucke inde prochie van wynghe/ tusschen de strate gaen(de) van wynghe te halen weert en(de)/ de goede lambrechts van wynghe/ It(em) vie(r) boende(re)n wynnents lants gelege(n) te cugge(n)bosch bij duyt(er)ste/ van thielt tussche(n) de goede willems busscop en(de) de goede/ der kinde(re)n geheeten cloest(er)mans/ It(em) i(½) boender lants gelege(n) tussche(n) de goede des voirs(creven) willems/ busscop en(de) de goede willems lauwereys/ It(em) vijf boend(er) bosch gelege(n) inde voirs(creven) prochie van wynghe/ ter plaetsen geheeten grevendelle tusschen de goede/ lambrechts wilen van wynghe en(de) reyners wile(n) va(n) tricht