Nae dien dat jan claus mett(er) stat brieve(n) aende(n) offici(er) va(n)/ ghele hadde doen bescriven henr(icke) van zw(er)tgoire mids/ dat de selve henr(ic) als poirte(r) van des(er) stat egheen recht/ en meynde te plegene(en) ald(air) op hem oft zijn goede en(de)/ alhier niet gecompareert en is ten gelegen(en) dage hem/ dair toe bescheyden Soe heeft de selve jan claus beg(er)t en(de)/ v(er)socht voir meye(r) en(de) scepen(en) va(n) loven(e) wair zijn wed(er)man niet/ en compareerde ten opstane tsmeyers en(de) der scepen(en) dat hij/ vervolghen mochte zijn actie ter selver plaetse(n) ald(air) hij die/ begonne(n) hadde Ende alsoe hebbe(n) de he(re)n scepen(en) gewesen/ ter manissen smeyers wair henr(ic) van zw(er)tgoire niet en/ compareert ten he(re)n opstane dat jan claus voirscreve(n) zijn/ rechtvorderinge doen sal ter plaetsen dair hij dat begonne(n)/ heeft In scampno marcii xxvii