Item de voirscr(even) her augustijn heeft geloeft dat hij hie(re)nbove(n)/ ende in meerder vestich(eiten) vanden voirscr(even) vi lijfpen(sien) brieve(n)/ beyde voir tprincipael ende oick den acht(er)stellen die d(air)aff/ vallen en(de) v(er)schijne(n) sulle(n) ende den costen die d(air)op belope(n)/ sulle(n) moeghen het zij dat die costen van rechte zijn oft/ ande(re) stellen sal tusschen dit ende dijssendaghe naestcomen(de)/ met e(n)nigen vanden diene(re)n ons gened(ichs) hee(re)n in des(er) stat/ pansgewijse in hande(n) van eene(n) p(er)soen daers de voirs(creven)/ her augustijn goirdt hanckaert ende ande(re) pensionar(issen) voirscr(even)/ oft den meesten deel mede te vreden sulle(n) zijn zeke(re) guld(en)/ ende silve(re)n juweele(n) weert zijnde ter estimacien der gheender/ die hen des verstaen soe vele als tprincipael der voirscr(even)/ lijfrinten in allen den voirscr(even) brieven begrepen gedraecht/ en(de) dair toe soe vele meer als twee jairpachten van/ dien gedragen sulle(n) moege(n) Ende dat hij dien p(er)soen die/ alsoe aenveerdende in dien hebbe(n) sal dat hij kynnen sal/ voir wet die alsoe ae(n)veert te hebben(e) tot der pensionar(issen)/ behoeff om d(air)aen tot voldoeni(n)gen van des voirscr(even) steet te/ come(n) ende voirt hen voldaen zijnde tot he(re)n augustijns/ behoeff wairt dat hij totten v(er)leggen come(n) moeste en(de) gelove(n)/ die zonder huer conse(n)t niet ov(er) te geve(n) ten wa(r)e datse bijden/ pensionar(issen) voe(r) oft hen voldaen zijnde bij he(re)n aug(ustijne) uuytgewo(n)nen/ worden voir de gebreken voirs(creven) zoe nochta(n) dat de pens(ionarissen) kuese/ sulle(n) hebbe(n) opde juwele(n) hue(r) gebreke(n) in al te v(er)hale(n) oft opde(n)/ selve(n) he(re)n aug(ustijne) en(de) zijn goede oft op beyde mair zij sullen/ met eene(n) voldoene te vreden sijn moete(n) En(de) de lijfpen(sie) in al/ voldae(n) zijnde mette(n) pachte(n) en(de) coste(n) voirs(creven) oft v(er)storve(n) en salmen/ nyema(n)de dan he(re)n aug(ustijn) de v(er)sette juwele(n) restitue(re)n moge(n) eisd(em)

Gort ha(n)ckart alsoe/ v(er)re alst hem ae(n)gaet/ bekint dat he(m) de/ drie ierste lijfpen(sien)/ br(ieven) d(air)inne hij zij(n)/ heffen inne behoude(n)/ hadde hem/ voldaen zijn/ dece(m)br(is) ulti(m)a lxxxii