It(em) jan de walsche sone wile(n) gorts in p(rese)ncia heeft gehuert/ tege(n) gielijse claes geheete(n) vander eycke(n) ende de selve/ giel(ijs) heeft bekint den voirs(creven) janne verhuert te hebbe(n)/ de stove den voirs(creven) gielijse toebehoe(re)nde mette(n) haefliken/ goede(n) ende ande(re)n toebehoirte(n) alsoe de selve jan die/ goede eene(n) seke(re)n tijt tot noch toe in hueringe(n) beseten/ heeft Te houden te hebben ende te gebruyke(n) vand(en) dage/ van heden eene(n) t(er)mijn van sesse jae(re)n nae dat de voirs(creven)/ gielijs van live ter doot come(n) sal zijn Alle weken/ d(air)enbinne(n) om ende voe(r) elf stuv(er)s te drie pl(a)c(ken) tstuc It(em) is/ vorweerde dat de voirs(creven) gielijs de voirs(creven) huysinge(n) houde(n) sal
//
te sijne(n) laste in goed(er) rep(ar)acie(n) van wande en(de) van dake ende/ de voirs(creven) jan sal houden allet des binne(n) der stove(n) behoeft en(de) / bij he(m) oft den huysgesinne geslete(n) sal werden It(em) sal de voirs(creven)/ jan ten ynde vand(en) t(er)mijne inder stoven moete(n) laten de/ haeflike goede die he(m) in voirgaen(de) hueringe(n) gelevert zijn/ getaxeert op sevenentwintich blauw crone(n) Ende alle/ dese vorweerde(n) cor(am) langr(ode) tybe ap(ri)lis xxiiii