Yerst es huer uuytsprake dat mids dese(n) de voirs(creven) zwage(re)n/ sulle(n) zijn ende bliven voirtane goede gevriende zonder dat in/ toecomen(de) tijde(n) e(n)nich van hen buyte(n) en(de) bove(n) dien zal moegen/ yet eyssche(n) moeyen quelle(n) oft vexe(re) buyte(n) oft bynne(n) lants/ te wat plaetsen dat zij vande(n) voirscr(even) goeden legate(n) geluefte(n)/ actien toeseggen(e) oft oick va(n) e(n)nigen ande(re)n saken tusschen/ hen te geschille staen(de) totten dage toe van heden in e(n)nigher/ manie(re)n Item ende dat elck hue(re)r dragen sal zijns selfs coste(n)/ die hij geleden heeft tot op heden in e(n)nig(er) manie(re)n zond(er)/ d(air)af oft d(air)voe(r) den ande(re)n te prame(n) oft laten p(ra)men in/ e(n)nig(er) manie(re)n Behalve(n) dat gielijs alleene dr afdoe(n) ende/ drage(n) sal alsulke coste(n) alse de voirs(creven) jan tack een d(er) segge(re)n/ die de meeste wete hadde va(n) p(ar)tien geschille(n) gedae(n) ende/ gehadt heeft int come(n) va(n) antw(er)pen tot h(ier) en(de) int wed(er)ke(re)n/ tot antw(er)pen toe en(de) tot dat hij thuys zijn sal doe(n) sal/ Item dat de selve gielijs gehoude(n) sal zijn den voirs(creven) janne/ tack tot behoef des voirs(creven) jans pauwels te(n) lanxste(n) bynne(n)/ acht dagen naestcomen(de) te geve(n) en(de) in hande(n) te leve(re)n alsulke/ twee silve(re)n lepels als d(air)af de selve jan pauwels de wed(er)gae/ ontfange(n) heeft va(n) he(re)n anth(onise) myckart hue(re)n zwag(er) eisdem