Nae dien dat pet(er) va(n) hoeb(er)ge alh(ier) bescr(even) es geweest bij woute(re)n de/ becke(re) voir tvoldoe(n) va(n) eene(n) scep(enen) br(ieve) va(n) loven(e) va(n) eend(er) cro(nen) lijfpen(sien)/ tot zijne(n) en(de) wile(n) wout(er)s zijns vad(er)s live d(air)inne de selve pet(er) en(de) he(n)r(ic)/ busscop als borge(n) wille(m)s busscops des jonge(n) brued(er) svoirs(creven) henr(ix) met/ scep(enen) br(ieve) van loven(e) vander daet xiiii[c] lviii junii xii gehouden en(de)/ v(er)bonden staen Soe zijn come(n) voe(r) den rade vander stat de voirs(creven)/ pet(er) d(air)voe(r) alh(ier) gevange(n) sitten(de) t(er) eend(er) zijden en(de) wout(er) t(er) ande(re)/ Ald(air) de selve pet(er) opdede de voirs(creven) belastinge en(de) dat he(m) die/ gebuerde bove(n) dien dat hij wel bewise(n) soude en(de) p(rese)nteerde te/ thoenen(e) hoe dat de voirs(creven) wout(er) de becke(re) voirmaels bekint hadde/ dat dese voirs(creven) rinten mette(n) v(er)lopen(en) pachte(n) en(de) acht(er)stellen va(n)/ dien he(m) ware(n) v(er)nuecht en(de) voldaen Teghen dwelck de/ voirscr(even) wout(er) sustine(re)nde de (contra)rie hoopte datme(n) des alsoe/ niet en soude bevi(n)den Alsoe dat dairop den thoen va(n) pete(re)n/ aenghehoirt zijnde de selve zijns v(er)mets es volcomen/ Ende daerentenden uuytgesproken dat de voirscreve(n) peter/ quijt ende ongehouden soude zijn vanden scepen(en) br(ieve) en(de)/ belastingen voirscreven In con(sili)[o] opidi ip(s)o die vener(is)/ maii xiiii