Want jan couwens als geleyt nae des(er) stat recht tot alle(n)/ den goeden beyde have en(de) erve jans wijlen de smet va(n)/ glabbeke hem oft tybaute steenwegs d(er) stat bode in zijne(n)/ name alle de selve goede met br(ieven) va(n)der stat gescr(even) aend(en)/ meye(r) van hale(n) oft zijne(n) stedehoud(er) te glabbeke zijn gelev(er)t/ Ende dach va(n) rechte bescheyde(n) d(er) weduwe(n) en(de) kinde(re)n des/ voirscr(even) wile(n) jans welke(n) dach op heden diende ald(air) de/ voirscr(even) wed(uwe) noch hue(r) kinde(re) noch nyema(n)t va(n) hue(re)n weg(en)/ gecompareert en is den voirs(creven) ja(n)ne couwens trecht voirt/ v(er)sueken(de) soe lange dat scepen(en) van loven(e) t(er) manissen smeyers/ gewijst hebbe(n) voir een vo(n)nisse nae dat hen behoirlijck/ heeft gebleken dexecucie en(de) dach bescheydinge geschiet/ te zijne datme(n) den voirscr(even) janne couwens vanden voirscr(even)/ goeden houden soude inde macht va(n) zijne(n) beleyde ende/ scepen(en) br(ieven) alsoe v(er)re het noch voir hen come(n) was in/ scampno cor(am) eisdem