It(em) ende mits desen kinnessen van deylingen voirg(eruert) ende voirts/ mits den bewijssenisse(n) deylingen en(de) overleve(ri)ngen van seke(re)n/ ande(re)n goeden chisen rinte(n) pachte(n) en(de) vliegen(de) erve vand(en) welke(n)/ de selve ghijsbrecht en(de) sijn wijf bekinnen wel te binne(n) te/ sijne en(de) die gansselic over en(de) te henweert te hebben die/ selve ghijsbrecht ende sijn wijf gekint en(de) gelijdt hebben/ dat zij volcome(n) sceydi(n)ge deylinge en(de) bewijssenisse gehad/ hebben en(de) dat hen allessins genoech gedaen es van alle(n)/ stocgoede(n) en(de) ande(re)n erfgoede(n) rinte(n) pachte(n) oft v(er)pande lijfpen(sien)/ hoedanich die sijn die gecomen en(de) gebleve(n) zijn van/ janne wijlen scavez? ende sijne(n) wive oudervader en(de) oudemoed(er)/ der voirs(creven) johanne ghijsbrechts wive ende oic vand(en) goed(en)/ die katheline wijlen jans bars sust(er) der selver joha(n)nen/ in testa(men)[te] gelaten heeft voort vand(en) goede(n) die der selver/ joha(n)ne(n) e(n)nichsins van huers vad(er)s oft moed(er)s zijde(n) ende/ oic van beside(n) oft and(er)s aencomen en(de) verstorve(n) moegen/ zijn en(de) wvort vande(n) ghene(n) die tusschen hue(re)n vader en(de)/ moeder in vollen stoele vercreghen zijn Ende ingelix van/ allen ande(re)n goeden die de voirs(creven) jan hue(r) vader in zijne(n)/ weduwen stoele oft oic metter voirscr(even) magrieten meys/ zijne(n) naewive staende hue(re)r beider huwelic vercrege(n) heeft/ hoedanich die alle zijn wair zij gelege(n) zijn oft bevonde(n)/ moege(n) wordde(n) in e(n)nig(er) manie(re)n Scelden(de) van allen/ dien en(de) des dien e(n)nichsins aencleeft der voirs(creven) weduwe(n)/ ende hue(re)n kinde(re)n volcomelic quite P(ro)mitt(entes) null(atenus) aloqui/ sed war(andizare) erga q(uo)scu(m)que Ende hebben alsoe dair o(m)me alsoe/ de selve ghijsbrecht en(de) zijn wijf op alle ande(re) goede rinte(n)/ chijse(n) en(de) pachte(n) nae de doet vand(en) voirs(creven) janne baers/ gebleve(n) ende die nae der voirs(creven) weduwen doot bliven/ sele(n) mogen tot behoef der selver weduwe(n) en(de) hue(re)r kinde(re)n/ behoirlic gerenu(n)cieert geworpen en(de) halmelic en(de) wettelic/ vertege(n) cor(am) eisd(em)