It(em) jouffr(ouwe) m(ar)griete colfs en(de) jan vand(er) beke inden creeft hebbe(n) gelooft/ ind(ivisim) den voirs(creven) h(er) janne va de grove die de voirs(creven) p(ro)curacie heeft/ gemaect om bijden voirs(creven) willem(me) uutgedaecht te worde(n) thuys/ geheete(n) de craye mette(n) toebehoirte(n) inde steenstrate gelege(n) hem/ op te legge(n) ende te betalen alle cost ende co(m)mer behalven/ dat duytdage(n) geschiet sijnde ende he(m) van coste en(de) co(m)me(r) voldaen/ hij d(air)inne goeden sal den voirs(creven) ja(n)ne vand(er) beke hebben voirt/ gelooft de voirs(creven) gelovers d(air) voe(r) inne te staen(e) dat de voirs(creven) goede/ uutgedaecht sijnde terstont vercocht sulle(n) worde(n) oft ten erfchijse uut/ gegeve(n) op hoege(n) En(de) soe wes de voirs(creven) goede bove(n) den co(m)mer d(air) uutgaen(de)/ gelde(n) sulle(n) in gereede(n) pe(n)ninge(n) oft erfrinte(n) dat dat gesedt oft bekeert sal/ worde(n) ter selver natu(r)en dat dese goede gestae(n) hebben want dat gedaen/ wort ten meesten orbe(re) en(de) p(ro)ffite vand(en) erfgename d(er) selv(er) goede die/ met alle(n) verghinge(n) en(de) verargerde(n) soe zij beyde cleerde(n) eisd(em)