It(em) al eist dat de voirscr(even) procuracie is geschiet soe sullen/ nochtan de pensionar(issen) kuese hebben hen te behulpe(n) mette(n)/ scepen(en) br(ieve) vand(er) lijfpen(sien) oft metter procuracie(n) oft met/ beyde(n) oft hen gelieft om betalinge vand(en) jaerlijcschen/ pachte(n) te gecrige(n) ende beter vestich(eit) oft dese niet/ genoech en wa(r)e ende oft den erfpacht afgequijt worde/ soe souden de pensionar(issen) hue(r) hootpe(n)ninghe metten/ verloopen(en) onbetaelden pachte(n) ende costen inder saken/ geloopen ende onbetaelt uutstaen(de) moege(n) aftrecke(n) van/ dien pe(n)ninge(n) Ende te des(er) meyni(n)ghen selen de brieve/ vande voirs(creven) mudde corens erflijck staen in handen roelofs/ van herpe vaders der voirs(creven) katlijne(n) dien die bekint heeft/ te deser meyni(n)ghen in handen te hebben cor(am) eisd(em)