It(em) de voirs(creven) jan in p(rese)ncia heeft verhuert den voirs(creven) wouteren/ tvoirs(creven) groothuys mette(n) hove te houde(n) en(de) te besitten van/ kersmisse naestcomen(de) eene(n) t(er)mijn van sesse jae(re)n lang deen/ nae dander sonder middel vervolgen(de) Elcx jaers d(air)enbinnen/ om en(de) voe(r) thien ryns guld(en) te twintich stuv(er)s tstuc ende/ achtien en(de) eene(n) halve(n) stuv(er)s elcke(n) stuv(er) te drie pl(a)c(ken)/ gerekent jaerlijcx te kersmisse te betalen(e) oft ten lancsten/ binne(n) eene(n) halven jae(r) d(air) nae opde pene wair dair inne/ gebrec viele en(de) dien t(er)mijn op e(n)nich jaer onbetaelt ov(er)ghinge/ dat dan de selve hueringe uut zijn soude en(de) dat jan in/ dien gevalle alsdan zijn erve soude moege(n) aenveerden/ en(de) d(air) mede sijnen wille doen nochtan soude woute(r)/ de gevallen hue(r) onbetaelt uutstaen(de) moeten betalen Oic/ is vorweerde dat woute(r) alsdan sal alle chijse en(de) co(m)me(re)n/ die hier voe(r) vand(en) voirs(creven) goeden gevallen zijn ende noch/ onbetaelt uutstaen en(de) oic die d(air) af tot kersmisse naestcomen(de)/ incluys vallen sullen en(de) van dan voirtaen sullen/ die int geheele staen ten laste desselfs jans oeck/ salmen dese goede doen visente(re)n en(de) soe wesmen nagelvast vinde(n)/ sal en(de) dat den huyse oft goede(n) toebehoirt dat dat d(air) blive(n) sal soe wel/ alloere(n) coetsen als ande(re) eisd(em)