Naevolgen(de) der submissien gepasseert voir scepen(en) van loeven(en)/ p(ri)ma septembr(is) lestleden tusschen lodewijke lesens ter/ eend(er) sijden ende janne van dormale ter ande(re) van/ eene(n) plecxke(n) erfs oft came(re)n gelegen inde scrijnstrate/ bove(n) den uutganc cornelijs van berghen natuerlijcx
//
tussche(n) de came(re) desselfs lod(ewijx) en(de) thouthuys des voirs(creven) jans Es/ des segge(re)n uutsprake dat de selve plaetse d(air) questie om is volge(n)/ sal den voirs(creven) lodewijke en(de) dat de selve lod(ewijk) en(de) jan den muer tussche(n)/ den voirs(creven) ganc en(de) jans erve te geliken coste vand(en) underste(n) solde(r) voirt/ opweert opmetsen sullen alsoe hoege alse lodewijc nu ter tijt/ met eene(n) gevele onder een hayssel sal wille(n) ty(m)me(re)n gelijc/ zijn huys nu steet opdat de voirs(creven) jan met sijnd(er) ty(m)meringe(n) oic/ alsoe hooge vare(n) sal willen en(de) in dien muer sal elcke vand(en)/ p(ar)tie(n) sijne ty(m)meringe moege(n) vesten met anckers ter minst(er) schade(n)/ vand(er) wed(er)p(ar)tien Mair oft deen vand(en) voirs(creven) p(ar)tie(n) sijne ty(m)meringe hoog(er)/ maken woude dan dande(re) in dat hoechsel vand(en) mue(r) en sal de p(ar)tie die/ beneden bleve met huer(er) ty(m)meringe(n) niet gehoude(n) wesen En(de) des sal de/ voirs(creven) lodewijc den voirs(creven) ja(n)ne besette(n) op sijn huys binne(n) acht dage(n)/ naestcomen(de) vierthien stuv(er)s erflijc den d(eniere) xviii drie pl(a)c(ken) voir den stuv(er)/ En(de) dat de voirs(creven) p(ar)tie(n) te gelike drage(n) sulle(n) de coste(n) va(n) rechte ind(er) sake(n)/ gelede(n) En(de) van ande(re)n costen sal elc drage(n) den last vand(en) sijne(n) En(de) oft in/ des(er) uutspraken duysternisse oft div(er)s verste(n)nisse geviele d(air)af houde(n) de/ segg(er)s te hemweert hue(r) verclare(n) cor(am) langr(ode) tybe sept(embris) x v