Vander calaengien innegeworpen tegen de rechtvorderinge/ die jan ghijsen meynde te doene tegen janne van criekenbeke/ acht(er)volgen(de) den lesten vo(n)nisse gegeven op eerghiste(re)n dair/ h(er) wouter [vacat] priester hem seggen(de) procur(ator) svoirs(creven)/ van criekenbeke versocht te hebben eene(n) redeliken dach/ om den voirs(creven) van criekenbeke selve te doen comen die/ sake verantwerden sustine(re)nde dat hem dien wordden soude/ overgeven(de) oft hij alsdan selve niet en compareerde dat hij
//
die sake verantwerde(n) soude oft de voirs(creven) ghijsen mocht/ met sijnd(er) rechtvorderinge(n) alsdan procede(re)n dair tegen/ de selve ghijsen sustineerde dat de voirs(creven) h(er) wouter niet/ ontfangbaer zijn en soude he(m) zijn rechtvorderinge te moeg(en)/ scutte(n) te voird(er) want hij gheestelijc wae(r) en(de) den rechte/ niet . bedwanckelijc en(de) dat hij sculdich soude zijn zijn eene(n)/ weerlike(n) borge te stellen den rechte genoech zijnde eer/ hij die sake soude moege(n) verantwerden oft hem zijne/ rechtvorderinge beletten d(air) tege(n) h(er) wout(er) p(rese)nteerde af/ te gane zijnd(er) clergie(n) en(de) d(air)af te renu(n)cie(re)n hopende/ dat dat genoegh wa(r)e den voirs(creven) ghijsen de co(n)trarie houden(de)/ te voirder want al hadde hij gerenu(n)cieert van dien zoe/ en mocht men nochtan d(air) voe(r) hem niet hachte(n) noch houden/ Es gewijst wair de voirs(creven) h(er) wouter niet en acht(er)volcht/ der p(rese)ntacien des voirs(creven) jans ghijsen dat dan de selve/ jan ghijsen sal moege(n) procede(re)n niet tegenstaen(de) der/ calaengie(n) cor(am) eisd(em)